Nuummi innuttaasunut: Festernissat taamaatissigit
Nalunngilarput assigiinngitsunut soqqusaannginnerit soqqusaanerillu pillugit qatsussiartulersimassasutit, taamaattorli weekendernissaanut oqaaqqissaarutinik saqqummiusseqqilassaagut.
Tallimanngornermi festerusunnarsisarpoq ikinngutillu ilagalugit immiaarartorusunnarsisarluni.Kisianni taamaaliunngikkallalaarsinnaavit?
Immitsinnut qanillinaveersaarnissarput aammalu ileqqutsinnik allannguilaarnissarput apeqqutaanerpaapput, taamaalilluta tunillatsaaliuissagatta.
Taamaammat Poul Nuummi Politiineersoq ilinnut weekendilersumut ima kaammattuerusuppoq:
”Maannakkoqqissaaq festit pingaarnerpaanngillat. Festit pilersaarusiorneqarsinnaajuaannarput. Nappaatilli taamaanneqarsinnaanngillat. Piffissaq manna aqqusaagarput ilungersunarpoq, eqqaamassalluguli pingaaruteqarpoq qaqugumulluunniit taamaannavianngimmat. Qaangiukkumaarpoq. Taamaammat oqartussat innersuussutaat malissigit asuliinnaanngitsutullu isigisigit.”
Tunillatsaaliuinermut ikiortigut immissinnullu ikioritsi.Kalaallit Nunaata Politiiviniit (nipaatsumik) weekenderluaqquassi.