Angallannikkut killilersuinerit
Nunatsinni angallannernut malittarisassat suut atuunnersut apeqqutigineqartuarput. Ullumi tallimanngornermi 20. marts 2020 angallannermut tunngatillugu uku
NUUMMUT ATUUTTUT
Nuummiit angallannerit (timmisartuussinerit/umiarsuarnerillu) maannamuugallartoq 8. april 2020 tikillugu unitsinneqarallarnikuupput.
Pisariaqavitsillugu Nuummukartoqarsinnaavoq, kisiannili tunillaassuisoqannginnissaa anguniarlugu Nuummiit aallartoqarsinnaanani.
Pineqanngitsut tassaapput pilersuinerit, nassiussat, assersuutigalugu nerisassat assigisaallu, pisarialimmik angallassinerit aammalu inuiaqatigiinni pinngitsoorneqarsinnaanngitsumik suliaqartut.
Nuup qimannissaa aammalu nunaqarfiliarnissaq inerteqqutaavoq. (Nuummiit aallartoqarsinnaavoq piniariarniarluni/aalisariarniarluni piumasaqaataalluni Nuummut uternissaq).
NUNATTA SINNERANUT ATUUTTUT
Nunatsinnut nunatsinniillu ilaasunik angallassinerit tallimanngornermi 20. marts unnuap qeqqaniit sapaatip akunnerini marlunni unitsinneqassapput.Nunatta iluani angallannerit pingaaruteqanngitsut tamarmik unitsikkallarneqarnissaat sakkortuumik inassutigineqarpoq.
Pressekontakt
Presse- og kommunikationsmedarbejder Camilla Palmann
E-mail: CPA013@politi.dk
Telefon: 365144