Spring til hovedindhold

Forslag

Pinerluttuliortoqarsimaneranik ima nalunaarutiginnissaatit

Pinerluttuliorfigineqarsimaguit qanoq iliussavit? Pinerluttuliornernik nalunaarutiginninniaruit, politiillu ikiorniarlugit qanoq iliornissannut ilitsersuut uani atuaruk

Nalunaarutiginninneq pillugu paasissutissat
Pinerluttuliornermut ilanngunneqarsimaguit pingaaruteqarpoq piaartumik politiinut nalunaarutiginissaa.
Nalunaarutiginninnissannulli pisussaatitaanngilatit.


Pinerluttuliornermut atatillugu ajoqusersimallutit taarsiivigineqarnissannut qinnuteqarniaruit politiinut nalunaarutiginninnissat pisariaqarpoq.
Nalunaarutiginninniaruit politeeqarfimmut saaffiginnissaatit. Oqarasuaatikkut aamma vagtcentralimut 701448-mut attaveqarsinnaavutit.

Kinguaassiuutitigut atornerlunneqarsimaguit, persuttarneqarsimaguit, arlaatigulluunniit pinerluffigineqarsimaguit suliaq pillugu ikiorserneqarumallutit 701448-mut sianerlutilluunniit politeeqarfimmut saaffiginnissinnaavutit.
Pinerluttuliortoqarsimatillugu piaarnerpaamik nalunaarutiginnissaatit.

Pisumi assiliisunik immiussisunilluunniit naammattuuiguit, politiit ikiorlugit assiliisup/filmiliortup aqqa kiisalu najugaqarfia paasiniarsinnaavat. Politiit suliaasa ingerlanneqarnera pillugu pinerluffimmi uppernarsaatissat annaaneqannginnissaat pingaaruteqarpoq. 

Nakuuserfigineqarsimallutit ajoqusersimaguit nakorsamit misissorneqarnissannik imaluunniit skadestuemukarnissannik politiit piumaffigisinnaavaatsit. Ajoqusernivit allattorneqarneri eqqartuussinermi takussutissatut atorneqassapput.