Politimesteri: Eqqissillusi pigitsi aammalu oqartussat inassutaat malissigit
Piffissami matumani Nunatsinni tamarmi politiit innuttaasunik Corona-virusimut ernumasunik naapillattaartuarput – ilaatigut virusi pillugu aammalu tunillaassuisoqarsinnaaneranut paasissutissat kukkusut ingerlaartinneqartuarnerat pillugit.
Taamaammat Nunatsinni politimesterip kaammattuutigaa innutaasut tamarmik peqqinnissamut oqartussat inassutaannut malinnissasut.
”Una pisoq asuliinnaanngitsutut isigineqassaaq oqartussallu inassutaat malinneqartariaqarput – taamaalilluni tuniluunneq sapinngisamik annikinnerpaakkut pissammat. Tamatta tassani ikiuuttaria-qarpugut” politimesteri Bjørn Tegner Bay oqarpoq.
”Paasisinnaalluarpara ernumasoqarmat – aammali eqqissilluni pisoqassaaq aammalu oqartussat paasisimasaqarluarusullutik ataavartumik suleqatigiinnerat upperisariaqarpoq. Taamaareerpugut, aammalu nalinginnaasumik ingerlaqqilernissatsinnut taamassaagut” politimester Bjørn Tegner Bay oqarpoq.
Oqartussat pisoq qanimut malinnaaffigaat aammalu iliuuseqarnissamut pisariaqalissappallu nutaanik inassuteqarnissamut piareersimallutik.
Tuniluuttoqannginnissaanut siunnersuutit nalinginnaasut
• Assatit errortukulakkit assannullu spriti atortaruk• Quersorniaruit imaluunniit tangajorniaruit kakkissarfik atoruk imaluunniit tallit atoruk – assatit atornagit
• Qisernaveersaarit. Allanut tuniluutsitsilersinnaavoq
• Assammiinaveersaarit, ulussakkut kuniuinaveersaarit eqitsinaveersaarillu – timikkut attuineq killilersimaartiguk
• Eqqiluisaarnissaq eqqumaffigiuk – angerlarsimaffinni aammalu suliffinni
• Inuit amerlasuut najuuffigisaaniinnaveersaarit
Paasissutissat uani pissarsiarineqarsinnaapput
Nunatta nakorsaaneqarfiata nittartagaa: www.nun.gl