Spring til hovedindhold

Forslag

Kinguaassiuutitigut atornerlunneqaruit nalunaarutigiuk

Kinguaassiuutitigut atornerlunneqarsimaguit, politiinut nalunaarutiginissaa pingaaruteqarpoq.

Dette element kan ikke vises, da du ikke har accepteret de påkrævede cookies. Ret dit samtykke nedenfor for at se det.



Læs mere om cookies.

Tunumiusut takujuk (østgrønlandsk tale)

Avanersuarmiusut takujuk (nordgrønlandsk tale)

 

Inersimasumik oqaloqateqarit

Politiit ilisarisimalluanngikkaanni attaviginissaat ajornakusoorsinnaavoq. Taamaammat ikiortariaqaruit inersimasoq ilisarisimalluakkat toqqissisimaffigisallu ajunnginnerusarpoq aperissallugu ikiorsinnaaneraatit.

Assersuutigalugu angajoqqaappit arlaajusinnaavoq, qatanngutit ilinnit angajulleq, ilinniartitsisoq, kommunefogedi, politeeq imlt. peqqissaasoq. Taava illit pillutit susoqassanersoq taakkua paasissavaat. Illittaaq sinnerlutit uatsinnukarsinnaapput.

Soorunami aamma telefon 701448-mut sianersinnaajuannarputit – taava ikiussavatsigit.

Kinguaassiutitigut atornerluineq ima iliornikkut nalunaarutigissavat

Kinguassiuutitigut atornerlunneqarsimaneq politeeqarfimmut nalunaarutigineqassaaq, tamanna aamma telefonikkut ingerlanneqarsinnaavoq imaluunniit kommunefogedimut, illit nammineerlutit nalunaarutigisariaqanngilat. Inersimasumik oqaloqateqarit, taava taassuma sinnerlutit oqaloqatigiartorsinnaavaatigut.

Nammineerlutit oqaloqatigerusukkutsigut tikilluaqqusaavutit sianernissannut uunga 70 1448.

 

Politeeqarfik nassaariuk

 

Pisoq politiinut nalunaarutigineqarpat taava susoqassava?

Kinguaassiuutitigut atornerluineq uatsinnut nalunaarutigineqarpat, taava pisoq pillugu misissuineq aallartissaaq.

Mappigassaq mapperuk tassanilu immikkoortut assigiinngitsut atuakkit:

Nalunaarutiginnereernermi suliap ingerlanera
Kinguaassiutitigut atornerlunneqarsimaneq politeeqarfimmut nalunaarutigineqassaaq, tamanna aamma telefonikkut ingerlanneqarsinnaavoq imaluunniit kommunefogedimut, pisariaqanngilaq illit nammineq nalunaarutigissagukku. Inersimasumik oqaloqateqarit, taava taassuma sinnerlutit oqaloqatigiartorsinnaavaatigut.

Illit inersimasulluunniit kinguaassiutitigut atornerluisimaneq nalunaarutigippagu, nalunaarut nalunaarsussavarput, taava suliaq aallartissinnaangussaaq.
Nalunaarfigineqarutta kinguaassiutitigut atornerluisoqarsimasoq, taava pisimasoq misissorlugu aallartissavarput. Siullermik misissuinerit aallarnersaataasut aallartissapput,tassani susoqarsimanera paasisarparput. Amerlanertigut tamanna pisarpoq, inuup atornerluisimanermik nalunaaruteqarsimasumik oqaloqateqarnermik, immaqalu aamma takunnissimasunik ilanngussassalinnik.

Susoqarsimanera paasigaangatsigu taava paasiniaalluarnerit aallartittarput. Kinguassiutitigut atornerluisimanerit paasiniaraangatsigit, misissortarparput illit suneqarsimanersutit.

 

Uagut pisussaavugut uppernassassallugu oqaatigisatit pisimasut, tamannami unitsittariaqarmat - pisut allanittaaq misigineqannginniassammata. Taamaattumik uppernarsaatissanik ujartuisarpugut soorlu inunnik apersuinikkut, taakku takusaqarlutilluunniit tusaasaqarsimasinnaammata. Uppernarsaatinittaaq mobiilit ujaasiffigisinnaavagut imaluunniit pisoqarfiusumi uppernarsaatissanik ujaasinikkut.

Paasiniaanitsinni soorunami aamma illit oqaloqatigerusoqaatsigit, pisimasoq tamaat tusarniassagatsigu. Taamaattumik politiimik oqaloqateqassaatit misigisimasatit pillugit. Taanna videokkut apersueqqissaarnermik taasarpatput, oqaloqatigiinneq tamarmi immiunneqartussaammat. Kingorna taanna eqqartuussivimmi atorneqarumaarpoq illillu oqaluttuaqqinnissat pisariaarutissalluni.

Videokkut apersorneqartinnak politiip taassuma illit ilaquttatillu angerlarsimaffissinnut pulaassavaasi. Pisoq oqaloqatigiissutigineqassanngilaq, siunertaavorli immissinnut ilikkarnissarsi.

Videokkut apersueqqissaarneq sapinngisamik aqaguani pissaaq, politeeqarfimmi inimi nuannersumi. Tassani misigisimasatit oqaloqatigiissutigissavavut. Inummik allamik, pisariaqartissagukku, ilaqarsinnaavutit.

15-init ataallugit ukioqaruit aallaavigalugu taamaallaat videokkut apersuineq atussavarput.

 

Filmi videokkut apersuineq pillugu takuuk

 

Kitaamiusut (vestgrønlandsk)
Tunumiusut (østgrønlandsk)
Avanersuarmiusut (nordgrønlandsk)

Inuk ilinnut nuanniitsumik pissusilersorsimasoq politiit oqartarnerattut taasarparput pasisaq. Apersueqqissaarnermut ilaavortaaq pasisamik apersuineq, taassuma pisimasoq qanoq nassuiarsinnaaneraa. Tamanna ilaanni ima isumaqartarpoq illit oqaloqatigeqqinnissat pisariaqartoq.
Pisimasoq misissorluareerutsigu paasissutissallu naammattut pigilerutsigit, taava pasisat unnerluussinnaangortarput.

Unnerluussineq isumaqarpoq misissuinitsinni paasisavut tamaasa eqqartuussivimmi unnerluussisuutitaasup dommerimut saqqummiussinnaagai.

Dommerip nalilissavaa qularnaatsumik oqarsinnaalluni susoqarsimasoq aalajangerlunilu pasisap suneqarnissaanut.
Ilaanni paasissutissat naammattut eqqartuussivimmi atorneqarsinnaasut nassaarineqanngitsoortarput. Taava pisoq unitsinneqarallarsinnaasarpoq naammattunik paasissutissank utaqqiisaa. Tamanna pissagaluarpat taava imaanngilaq oqaatsitit upperinnginnatsigit. Imaaginnarporli uppernarsaatit ikippallaarmata.

Pisoq unitsinneqassappat illit angajoqqaatulluunniit akisussaatitaq nalunaarfigineqassaaq. Nutaanik uppernarsaatinik takkuttoqaraluarpat saaffigeqqiinnassavatsigut.

Forslag