Tunumiusut takujuk
Avanersuarmiusut takujuk
Kinguaassiutitigut atornerlunneqarsimavit?
Nuannarinngisannik inoqatinnit attualaarneqaruit imaluunniit piumanngitsutit atoqatigineqaruit, tamanna pinerlunneruvoq ilungersunartoq, tamannalu uatsinnut nalunaarutigisariaqarpat.
Tamanna ajornakusoorsinnaavoq, atornerlunneqarnerummi kingorna apeqquterpassuit takkussuutilersarmata. Immaqa pissutsit uku arlaat ilisarisinnaavat oqarnissannut nangaalersitsisutut:
- Kanngusupputit imaluunniit isumaqarputit illit nammineq naak taamaanngikkaluartoq
- Immaqa pisuusoq ilisarisimavat, taamaattumillu illiulluni uagutsinnut ornigunnissaq ajornakusoorluni
- Nalornivutit pisoq eqqunngitsuunersoq imlt. naapertuutinngitsuunersoq.
- Pisut puiguinnarusukkaluatpatit
- Nalorngivutit atornerlunneqarnerpit ilinnut pisuusumulluunniit kinguneqarsinnaaneri pillugit
- Susoqarpiarsimanera qularivat immaqa aamma tamaasa pisut eqqaamaqqissaanngilatit
- Nangaasutigisinnaavat annilaangagalugulu politiini susoqartarnersoq. Sakkortusinnaaqaaq pisoq eqqarsaatigeqqissallugu nassuiaallutillu qanoq pisoqarsimaneranik
- Tusarsimavat uatsinnik oqaloqatiginninneq qanoq nuanniitsigisoq
- Annilaangassutigisinnaavat allat atornerlunneqarsimanermut tunngasoq tusarunikku qanoq qisuariassanersut, Kamassanerpat? Aliatsassanerpat? Upperissanerpaatsit?
- Inuk ilinnik atornerluisimasoq ersigivat
Inersimasumik oqaloqateqarit
Kinguaassiutitigut atornerlunneqarsimagaanni iluaqutaasarpoq inersimasumik tatigisamik oqaloqateqarneq. Misigisat kisivit pigissanngilat –ajornannginnerulernavianngilaq.
Politiinut nalunaaruteqarneq navianartutut isiginiarneqarsinnaavoq – kisianni taamanngilaq. Inersimasumik oqaloqateqaruit taava taassuma politiit oqaloqatigisinnaavai.
Nammineq uunga sianersinnaavutit 70 1448.
Ima kinguaassiutitigut atornerluineq pillugu nalunaaruteqarsinnaavutit