Kinguaassiuutitigut atornerlugaaneq sunaava?
Atornerluineruvoq killiliussatit qaangerneqarpata, oqaatsitigut imaluunniit timikkut attualaarinikkut, ilinnut nuanninngitsumik.
Soorlu makkuusinnaannpput
- Atoqatiginiarneqarlutit
- Assinik filmimilluunniit isiginnaartillutit inunnik atoqatigiittunik imalinnik imaluunniit mattaangasunik
- Atoqatigiittunik isiginnaartillutit
- Kinguassiutiminik takutitsisoq taakkuluunniit assinginik
- Kinguaasiutiminik attuuaqqisisoq imminulluunniit attuuasoq
- Atisaajaqqusisoq kinguaassiuutinnillu takuteqqusoq imaluunniit assileriarlugit nassiusseqqusoq
- Atisavit iluatigut attuuannittoq kinguaassiutinnillu atisat iluatigut qaavatigulluunniit attuualaarisoq, soorlu iviangikkut usukkulluunniit
- Atoqatiginninniartoq imaluunniit atoqatiginnittoq
15-init ataallugit ukioqaruit inersimasumik atoqateqaqqusaanngilatit. Inersimasup tiinganiarluni attualaartussaanngilaatit.
Aaamma meeqqat allat inuusuttuaqqalluunniit taamaaliortussaanngillat. Innarlerneqartussaanngilatit. Killitit qaangerneqassanngillat. Akilerniarneqaraluaruilluunniit, akiuukkaluaruilluunniit. Inerteqqutaavoq. Illit pisuunngisaannarputit.
15-17-inut ukioqaruit suli inersimasumit atoqateqarsinnaatitaanngilatit, inersimasoq ulluinnarni ilinnik paarsisuusinnaavoq, soorlu ilinniartitsisut, pædagogi, ataatat anaanalluunniit.
Qulaani pineqartut arlaat misiginikuuiuk?
Pingaarluinnarpoq pisimasoq pillugu arlaannik oqaloqateqarnissat. Inersimasumik tatigisannik oqaloqateqarit, politiinukarnissannut ikiorniassavaatit. Paasitinneqarnissarput pingaartuuvoq, unitsinniarlugu ikiorniassavatsigit.Tikilluaqqusaajuarputit uatsinnut sianissallutit 70 1448 atorlugu imaluunniit politeeqarfimmut ornilluta. Nunaqarfimmiikkuit kommunefoged saaffigisinnaavat, taassuma uatsinnut saaffiginninnissannik ikiussavaatit.
Kinguaassiutitigut atornerlunneqarsimaguit oqaloqatigisinnaavatsigut, taava pisimasoq sukumiisumik misissussavarput. Meeraq kinaluunniit kinguaassiutitigut atornerlunneqartussaanngilaq, uagut taassuma unitsinnissaanik ikiussavatsigit.
Ima iliornikkut kinguaassiuutitigut atornerluinermik nalunaarutiginnissaatit
Inatsisit qanoq oqarpat?
Kinguassiutitigut atornerluinerit unioqqutitsinerupput politiinullu nalunaarutigineqartussaallutik.Pinngitsaaliineruppat allaluunniit, innarliineruvoq aamma meeqqat 15 ataallugit ukiullit atoqatigeqqusaanngillat (Pinerluttulerinermi inatsit §79).
Meeqqat inuusuttuaqqallu 18-it ataallugit ukiullit atoqatigeqqusaanngillat, meeqqap inuusuttuaqqalluunniit inersimasoq eqqunngitsuliortoq attavigippagu – soorlu angajoqqaaq, angajoqqaatut inissisimasoq, ilinniartitsisoq, pædagogi imlt.sullissisoq (isumaginnittoq) (Pinerluttulerinermi inatsit § 80).
Inerteqqutaavortaaq nakuuserneq, pinngitsaaliineq imlt.akissarsisinneqarneq – aamma ukioqatigiit akornanni.