Ukioq 2016-imiilli Kalaallit Nunaata Politiivisa Facebook atulerpaat.
Kalaallit Nunaata Politiivi Facebookkimi
Malittarisassat Kalaallit Nunaata Politiivisa Facebookkimi quppernerannut
Kalaallit Nunaata Politiivisa kissaatigaat oqaloqatigiinneq Facebookkikkut ingerlanneqartoq kinguneqartussamik tamatsinnit ingerlanneqassasoq, aamma tamassi kajumissaarpaasi oqaaseqarfigigaanngatsigut atuisulluunniit allat, tamanna ajunngitsumik ataqqinnippalaartumillu ingerlanneqassasoq.
Najoqqutassat makku Facebookkimi quppernitsinni ilaaniartunut atuupput:
- Kalaallit Nunaata Politiivisa Facebookkikkut quppernerata iigaani imaluunniit uagut privatimik oqaaseqaammik nassilluta allagarsiussisoqarsinnaanngilaq, kisianni tikilluaqqutsigit allagarsiussatsinnik oqaaseqarfigisinnaalluta
- Kalaallit Nunaata Politiivisa Facebokkimi quppernermi oqaaseqaatit nammineerlutik allatarinngisatik akisussaaffiginngilaat
- Kalaallit Nunaata Politiivisa Facebookkimi quppernertik nalinnginnaasumik allaffeqarfiit ammanerisa nalaanni nakkutigisarpaat. Facebookkimi qupperneq pinerlussimanermut kalerriussisarfiunngilaq imaluunniit kalerrisaariffittut atorneqarsinnaanngilaq. Takusaqarsimaguit imaluunniit tusagaqarsimaguit isumaqarlutillu ikiorsinnaalluta, taava qinnuigissavatsigit najugarisanni politeeqarfik attavigeqqullugu imaluunniit oqarasuaat atorlugu uunga sianerlutit 701448, taanna normu tassa Kalaallit Nunaata Politiivisa normuat pingaarneq
- Kalaallit Nunaata Politiivisa oqaaseqaatit apeqqutillu akinissaat neriorsuutigisinnaanngilaat, kisianni apeqqutit nalinnginnaasat apeqqutigineqartut pisinnaasarput tamaat sullissinerup nalinginnaasup piffigiliutitinneqartartup iluani suliariniarsarineqassapput.Suliat inunnut ataasiakkaanut tunngasut akineq ajorpagut imaluunniit politikkimut tunngasut. Piviusumik apeqqutissaqaruit akineqaqqullutillu, taava iluaqutigissavat normumut unnga sianerfigigutsigut 701448
Kalaallit Nunaata Politiivisa pisussaaffigaat ilisimatitseqqaarnani oqaaseqaatinik peersitsisinnaalluni, taakku:
- Inatsinut atuuttunut akerliuppata. Oqaaseqaatit taamaattut pinerluttulerinermi suliassanngortinneqarsinnaapput
- Narrujuummisitsisinnaallutik aamma / imaluunniit assigiinngisitsinermik pilersitsisinnaallutik
- Paasissutissat inunnut ataasiakkaanuut tunngasuusinnaallutik
- Niuerpalaartuusinnaallutik
- Spamisut isikkoqarsinnaallutik
- Quppernermut naleqqutinngitsuullutik imaluunniit allagarsiussanut oqaaseqaataallutik
Najoqqutassat arlariarlutik unioqqutinneqarpata, taava Kalaallit Nunaata Politiivisa atuisoq quppernermut tassunga iseqqinnissaanik assersinnaava.