Kalaallit Nunaanni Politiitut Ilinniarfik: Kingusinnerpaamik 21. september 2026 qinnuteqarit
Qinnuteqartutut nammineq pilersitsigit imaluunniit profilimik pioreersumik qinnuteqarit qinnuteqaatillu nassiuk.
Qinnuteqaat maanna nassiukEqqaamallugu akuersissut nutaaq eqqortorlu
Qinnuteqarnerit tamaasa taanna akuersissut immersortassavat, printerlugu, atsiorlugulu, tassami taanna politiinngorniartunut qinnuteqarnermi atorneqartussaagami.
Akuersissutt allat tassani atorsinnaanngilatit.
Inuunera
Qinnuteqaatit nassiutereerukku: Ugguuna iseriarlutit qinnuteqaativit qanoq pineqarnera malinnaavigisinnaavat, misilitsinnermi inernerugallartut, paasissutissat iluarsillugit, uppernarsaatit nutaat uploaderlugit.
Inuunera (qallunaatut)Politiitut erniinnaq malugilerumaarpat ullut marlunnguilluunniit assigiimmik ingerlaneq ajormata. Taamattaaq Politiinngorniarfimmi aallartinniariaruit tamanna malugijumaarpat. Ilinniarninni piginnaasatit assigiinngitsorpassuit atorfissaqartissavatit, ilisimasatit ineriarortittuassavatit piviusumillu politiitut sulinissannut piginnaaneqalerlutit.
Politiitut ilinniarneq ukiunik marlunnik qaammatinillu sisamanik sivisussuseqarpoq - siullermik qaammatit 11 Nuummi Politiinngorniarfimmi taassumalu kingorna qaammatit 11 Nuummi politiini praktikkerneq, naggataagullu Nuummi Politiinngorniarfimmi qaammatit arfinillit atuarneq
Politiinngorniarfimmut isissaguit, taava politiitut atisaqarnissannut akisussaaffik annertooq tassaniittoq tigusariaqarpat. Taamaattumik inuttut, timikkut, peqqissutsikkut aamma illinniagaqarnerup tungaatigut piumasaqaatit naammassisariaqarpatit, taamatuttaaq qallunaatut oqaluttariarsornermi aamma allattariarsornermi piginnaasaqartussallutit - imaluunniit ilinniarnissaannik piumassuseqassasutit.
Qinnuteqarnissamut ilinniarnissamullu piumasaqaatit Ipillugit sukumiinerusumik paasisaqarit
Ilinniarnerit naallugu aningaasarsiaqassaatit, aamma politiit suliamut atatillugu inissannik tunissavaatsit, taanna attartorsinnaavat. Nuup avataannit imaluunniit Danmarkimit aggissaguit, taava ilinnialernissannut atatillugu pisattavit nuunnissaat isumagissavavut.
Ulluinnarni Politiinngorniarfimmi inuuneq pillugu videot
Ulluinnarni politiijuneq pillugu videot takukkit
Politiit iluanni atorfeqarnermi periarfissat pillugit videot
Quppernermi uani qaqugu tulluani qinnuteqarnissamut piffissaliussaq takusinnaassavat, maannagaarli tiguneqarnissamut piareersalereersinnaavutit.
Tiguneqarumalluni misilitsinneq
Qinnuteqaatit tigugutsigu nalilersussavarput, taava immaqa Nuummi tiguneqarumalluni misilitsitsinissamut qaaqquneqassaatit. Misilitsinnerit tassaapput timikkut misilinneqarneq, allattariarsorluni misilitsitsineq, suleqatigiissinnaanermut suliassaq aamma inuit ataasiakkaarlugit oqaloqatigineqarneri.
Tiguneqarumalluni misilitsinnerit naleqarpallaanngitsutit, soorpianngitsutut, isigissanngilatit, taamaattumik maannangaaq nalunngikkukku Politiinngorniarfimmut qinnuteqarniarlutit, taava piareersalereertariaqarputit.
Nuup avataanneersuuguit, taava misilitsinnissamut qaaqquneqassaatit, politiit aningaasartuutit akilissavaat, tassa ilaanissannut tunngassuteqartut.
Misilitsinnissat pillugit atuarit
Una aamma malinnaavigisinnaavat Politiskolen i Danmark på Facebook, tassani angerlarsimalluni sungiusarsinnaanernut tunngasut videot takusinnaavatit il.il.