Nassaat tassaapput suulluunniit katanneqarsimasut imaluunniit piginnitsiminnit qimanneqarsimasut taavalu allamit nassaarineqarlutik.
Nassaaruit qanoq iliussavit?
Nassaaruit pingaarnerpaajuvoq taakku politiinut tunniutissagakkit.Ingerlaannaq takusinnaagukku nassatit kia piginerai, taava illit nammineerlutit tunniukkiartorsinnaavatit imaluunniit inuttaanut nassiullugit. Imaasinnaavoq ilaasortaanermut allagartaq, tassanimi inuup aqqa aamma najugaa allaqqasinnaavoq. Taakku nammineq ingerlaannaq tunniussinnaavatit.
Nassaat aamma politeeqarfimmut qaninnermut tunniunneqarsinnaapput.
Nassaat aningaasappata, taava tunniunnerini uppernarsaammik piumasinnaavutit.
Politiit nassaat ukioq ataaseq tikillugu paarisinnaavaat. Piffissap taassuma iluani piginnittoq saaffiginninngippat taava politiit akitsorterussinikkut tuniniarsinnaavaat ilaluunniit aserorterlugu. Nassaaq tunniunneqartoq naleqanngitsutut nalilerneqaruni taava ingerlaannaq aserorterneqassaaq.