Nalunngittariaqakkat
Nunami visummeqarfiusussami najugaqaruit Kalaallillu Nunaanni ullut 90-it tikillugit tikeraarniaruit, taava visummimik Kalaallit Nunaannut atuuttumik pisariaqartitsivutit. Danmarkimut visummi aamma Schengenvisum Kalaallit Nunannut isernissamik akuersissutaanngillat. Tamassumunnga peqqutaavoq Kalaallit Nunaat EU-mut ilaasortaanngimmat visummimullu tunngatillugu Schengenimilu suleqatigiinnut ilaanani.
Nunat avannarlerni innuttaasut tassa Danmarkimi, Finlandimi, Islandimi, Norgemi aamma Sverigemi akuerineqaqqaaratik isersinnaapput, nunamiillutik aamma Kalaallit Nunanni sulillutik.
Uani nunat visummeqarfissat aamma visummimik pisariaqartitsinngitsut takusinnaavatit
Nunat allamiut visummeqartussat amerlanertigut aamma Schengenvisummimik peqaqqaartariaqarput Kalaallit Nunannut isissagunik, tassami amerlanertigut nuna Schengenimiittoq , soorlu Danmark imaluunniit Island, aqqusaaqqaarneqartussaammata.
Kalaallit Nunaannut visummitaarniarermi piumasaqaatit Danmarkimukarniarnerup assigai, assigiinngissuteqalaaginnarpulli. Ataani piumasaqaatit pillugit sukumiinerusumik paasisaqarsinnaavutit tassa privatimik tikeraarnerit aamma takornariatut angalaarnerit eqqarsaatigalugit, niuernerup iluani angalaarnerit imaluuunniit kulturimut tunngasunik tikeraarniarnermi aamma visum pisariaqarpoq:
Visummeqarnissamut malittarisassat aamma nunamut isersinnaanermut malittarisassat tunngasuni pingaarutilinni ilanngunneqanngitsut arlaliupput, taakkulu malugeqquagut:
- Danmarkimut visummi aamma Schengenvisum Savalimmiunut aamma Kalaallit Nunaannut isersinnaatitsinermut akuersissutaanngillat
- Najugaqarnissamut akuersissutit, nunamiissinnaanermut allagartaq aamma EU-mit imaluunniit nunamit Schengenimiittumik najugaqarsinnaanermut akuersissut Danmarkimut atuuttoq Savalimmiunut aamma Kalaallit Nunaannut visummeqarani isissutissiaanngilaq.
- ID-korti EU-mit imaluunniit nunamit Schengenimeersumit tunniunneqarsimasoq Danmarkimut isissutigineqarsinnaasoq Kalaallit Nunaannut atuutsinngilaq. Taamaaattumik passeqartariaqarputit
Visummeqarfiusussami naalagaaffimmi innuttaasut Danmarkimi najugaqarsinnaatitaasut
Visummeqarfiusussami innuttaaguit piffissamilu aalangersimasumi Danmarkimiittussaallutit qimaasimaneq pillugu, ilaquttariinnik ataatsimut pisitsineq pissutigalugu il.il. imaluunniit atajuartumik najugaqarnissamut akuersissummik peqaruit, taava Udlændingestyrelsenimut saaffiginnissaatit imaluunniit politiinut, Kalaallillu Nunaannut isersinnaatitsisunik allakkanit piumallutit.
Udlændingestyrelsen
Oqarasuaatip normua: +45 35366600
Udlændingestyrelsen e-mailerfigikkit linki una attaveqarfissaq aqqutigalugu:
Udlændingestyrelsenimut allagartaq attaveqarfissaq
Visummeqarfiusumi innuttaaguit piffissallu aalajangersimasup iluani taamaallaat Danmarkimiissallutit, tassa suliat peqqutigalu, ilinniagaqarneq, au pairiuneq il.il., taava Styrelsen for International Rekruttering og Integration (SIRI) saaffigissavatit Kalaallillu Nunaannut isersinnaanermut allakkanik piumasaqarfigalugit
SIRI
Oqarasuaatip normua: +45 72142001
SIRI-mut e-mailerit attaveqarnissamut linki una atorlugu:
Kalaallit Nunaannukarnissamut visummi qinnutigineqaqassaaq soorlu Danmarkimut visummimik qinnuteqarnertut. Qinnuteqaat ataasinnaq immersussavat, apeqqutaanngilaq Schengenvisummimik Kalaallit Nunaaliarnissamut qinnuteqarneq.
Visummimik qinnuteqartarneq pillugu uani paasisaqarnerusinnaavutit privatimik tikeraarnermi visummi aamma takornariarnermi, niuernikkut angalalluni visummi imaluunniit kulturimut tunngasutigut tikeraarnermi visummi.
Ansøg om visum til privatbesøg og turistbesøg (Qallunaatut)
Ansøg om visum til forretningsbesøg (Qallunaatut]
Ansøg om visum til kulturelle besøg (Qallunaatut)
Kalaallit Nunaannut visummi nunani allani qallunaat aallartitaqarfiinnit tunniunneqartarpoq, aamma SIRI-mit imaluunniit Udlændingestyrelsenimit.