Tiguneqarnissamut piumasaqaatit
Politiinngorniarfimmut iserniarnermi piumasaqaatit assigiinngitsut naammasseqqaartariaqarput.
Ilinnut tunngasut:
- 21-leereersimassaatit (qummut killeqanngilaq)
- qallunaatut innuttaassuseqassaatit imaluunniit nalagaaffimmi innuttaasutut pisinnaatitaallutit - imaluunniit inuttanngorniarnermut qinnuteqarsimassaatit
- peqqissuussaatit
- biilinut kørekorteqassaatit
- ilinniarnertuunngorniarfimmi atuarsimassaatit, inussutissarsiummik ilinniarsimassaatit imaluunniit inuussutissarsiutinut tunngasumik misilittagaqarlutit
- qallunaatut oqaluttariarsornermi aamma allattariarsornermi piginnaaneqassaatit - imaluunniit ilinniarnissaannik piumassuseqarlutit
- isumannaallisaannikkut akuerineqarsinnaassariaqarputit.
Tiguneqarnissamut misilitsinnerit
Piumasaqaataasut naammassisinnaagukkit, taava tiguneqarnissamut misilitsinnissamut qaaqquneqassaatit, tassanilu pingaartorujussuuvoq piareersarluarsimanissat. Misiligutit makku naammassissisavatit:
- Qalipaatinut isigisannut tunngasuni misilitsinneq/Farvesynstest
- Timikkut misilitsinneq (nalinginnaasoq, sukassutsismut tunngasoq, siumut pississinnaaneq, timip nukittussusaanut tunngasut/kropshævninger, nallangalluni kivitsineq aamma 2400 miiterinik arpanneq)
- Allattariarsorluni misilitsinneq (qallunaatut)
- Suleqatigiinnermi suliassaq
- Ataasiakkaarlugit oqaloqatiginninneq.
Poliijussagaanni pingaartuuvoq maligassiuilluartutut inissisimanissaq. Taamaattumik kisimiitillutit oqaloqatigissavatsigit paasiniarlugu nalilerniarlugulu qanoq misigeqataasinnaanersutit, suleqatigiissinnaanermut piginnaasatit, tarnikkut eqqissisimasumik pissuseqarnersutit aamma pisuni qanoq ilimasunnersutit.
Ilinniarneq ima ingerlasarpoq
1. semester
Tassani qaammatit 11 atuarfimmiissaatit, tassanilu "aqqusinermi" politiijulluni ilinniagassat tamaasa ilinniartitsissutigineqassapput. Ilinniagassat assigiinngitsut timimut teoriimullu tunngasut ilinniarneqartarput, soorlu politijura, nalerisaanermi suliaqarnerit aamma nukkassarneq.
2. semester
Tassani qaammatit 11 upalungaarsimanermi praktikkissaatit, patruljertassaatit, nalunaarusianik allallutit aamma pinerluttulerinermi pinaveersartitsillutillu pinerluttoqarsimaneranik misissueqataallutit.
3. semester
Tassani qaammatit arfinllit atuarfimmut utissaatit, tassanilu pinerluttoqarsimaneranik paasiniaaneq itinerusuk pulaffigalugu aamma uppernarsaatit isumannaatsumik ingerlateqqinneqartarinut tunngasunik ilinniarlutit, aamma misissuinerit
kriminaltekniskenik taaneqartartut allarpassuillu ilinniarlugit.
Ilinniarnerup qanoq ingerlasarneranut tunngasumik apeqqutissaqaruit imaluunniit tigutinnissamut piumasaqaatinut tunngasunik, taava tikilluaqqusaavutit uunga allassallutit grl-fp-hr@politi.dk.