Qamuteralaat nalunaarsortikkukkit, taava politiit nalunaarsuisimanermut uppernarsaammik tunissavaatsit aamma meqqit nalunaarsuinermut tunngasut marluk. Nalunnaarsuinermut meqqit qamuteralaat saneraanut illugiinnut nipitissavatit imaluunniit motooreqarfiata qalequtaanut.
Ikkulluarniassammata eqqaamassavat nipititsiffiit eqqiluilluinnassammat. Pisariaqarsinnaavoq ataa kissalaassallugu, immaqa tagiartulaarlugu.
Ikkulluarniassammata eqqaamassavat nipititsiffiit eqqiluilluinnassammat. Pisariaqarsinnaavoq ataa kissalaassallugu, immaqa tagiartulaarlugu.
Politeeqarfilarutt makku nassassavatit
Qamutit. Qamutit nassassavatit tassa politiit nalunaarsuilinnginnerminni nalilissagamikku qamuit ajunnginnersut Taamaaliornermi annerusumik qullii, unittaatai aamma aquutaa misissortarpavut.
Sillimmasiisimanermut uppernarsaat.
Nalunaarsuinissamut immersugassaq immersoriigaq atsiorneqarsimasorlu. Paasissutissat piginnittumut tunngasut immersugassamiittut sillimmasiisimanermut uppernarsaammiittullu assigiissapput.
Malugiuk stelnormu eqqiarneqarsimassammat politiinullu takutinnerani takuneqarsinnaassalluni.
Paasissallugit pingaarutillit
Inatsisit malillugit qamutit taamaatikkukkit taava tamanna nalunaarutigissavat. Allamik piginnittoqalersimappata aamma tamanna taamaatitsinertut nalunaarutigineqassaaq.Qamutinik piginnittup nutaaq qamutit aterminik nalunaarutigereerpagit, taava politiit ilinnut nalunaassapput qamutit illit ativit ataanniikkunnaartut.
Qamutit taamaatinneqartut nalunaarutigigukkit, taava politiit meqqinik tunissavaatsit, taakku illit pisoqqat qaavinut ikkutissavatit. Aamma meqqit piiginnarsinnaavatit. Kisianni malugeqquarput lakkitaa ajortissinnaammat, tassa meqqit pissusissamittut ikkunneqarsimanngippata.
Qamutit taamaatinneqartut nalunaarutigigukkit, taava politiit meqqinik tunissavaatsit, taakku illit pisoqqat qaavinut ikkutissavatit. Aamma meqqit piiginnarsinnaavatit. Kisianni malugeqquarput lakkitaa ajortissinnaammat, tassa meqqit pissusissamittut ikkunneqarsimanngippata.
Politiit nalilerpassut suut tamarmik ajunngitsut, taava allagartamik nalunaarsuisimanermut tunngasumik tunineqassaatit taassumalu kopiiva aamma illit sillimmasiisarfinnut nassiullugu. Sillimasiisimaninnut normut imaluunniit policenummer nalunaarsuisimanermut allagartami takuneqarsinnaassaaq.
Nalunaarsuereernerup kingorna paasissutissanut tunngasut allannguuteqarsimappata, tassa qamutit pillugit aamma paasissutissat nalunaarsuinermut allagartami ittut pillugit, taava allannguutit politiinut kalerriutigineqassapput. Taassuma kingorna nutaamik nalunaarsuinermut tunngasumik allagartamik tunineqassaatit. Tamannali atuutsinngilaq taamaallaat najugarisamut paasissutissat allannguuteqarsimappata.
Nutaamik piginnittoqalersimappata, taava piginnittoq (nutaamik piginnittoqalernermi piginnittoq nutaaq) piaarnerpaamik kingusinnerpaamillu sap.ak.pingasut qaangiutsinnagit nutaamik piginnittoqalersimaneq nalunaarutigineqassaaq, aamma qamutit pinngitsoratik nalunaaruteqarnikkut nalunaarsorneqassapput, tamanna sioqqullugu qamutinik taamaatitsisimaneq nalunaarutigineqarsimanngippat.
Politeeqaarfeqanngitsumi najugarpit?
Politeeqarfeqanngitsumi najugaqaruit, taava politeeqarfik qaninnerpaaq saaffigisinnaavat taakkulu isumaqatigalugit qanoq ilillutit qamutit nalunaarsorneqassanersut aamma nummerplademik pinissat pillugit.
Politeeqarfik qaninneq attavigiuk