Nalinginnaasut
Biilersinnaassaguit taava atuuttumik ingerlatitsinissamut allagartaqartariaqarputit.
Kalaallit Nunanni ingerlatitsinissamut allagartaq makkununnga immikkoortitigaavoq:
- Suussuseq B, – biilit nalinginnaasut
- Suussuseq C - lastbili
- Suussuseq D – biilit angisuut
Suussutsit assigiinngitsut assigiinngitsunik biilersinnaanermut akuersissutaapput. Soorlu ingerlatitsinissamut allagartaqaruit suussutsimut B-mut, taava biilinik nalinginnaasunik ingerlatsisinnaavutit.
Piumasaqaatit
Ingerlatitsinissamut allagartaqarniaruit massakkulluunniit pigisavit suussutsimut allamut annertusinissaannik kissaateqaruit, taava:
- 18-nit sinnerlugilluunniit ukioqassaatit
- Naleqquttumik timikkut peqqissuussaatit aamma peqqissutsimut nalunaarummik allagartaqassaatit
- Imigassamik aalakoornartutalimmik aanngajaarniutinut allanilluunniit sianissutsimut allannguisinnaasunik pinngitsuuisinnaasuussanngilatit
- Biilernermik ilinniartitsisumit ilinniartinneqarsimassaatit, taassumalu suussutsimut ilinniakkannut akuerisaassaaq
- Biilertalernermut teorimik taamattaarlu ingerlatsitsisinnaanermut misilitsissimassaatit angusillutillu.
Kalaallit Nunaannut nuuppit?
Kalaallit Nunaannut nuukkuit qallunaallu ingerlatitsisinnaanermut allagartaannik peqareeruit, Kalaallit Nunaanni atorsinnaavat. Taamaammat qallunaat ingerlatitsisinnaanermut allagartaannik pigisat kalaallit ingerlatitsisinnaanermut allagartaannik taarsertariaqanngilat.
Allannguut
Assigiinngitsunik peqquteqarlutit ingerlatitsinissamut allagartat nutarsaqqusinnaavat imaluunniit allannguuteqartillugu. Makku peqqutaasinnaapput, illit:
- Ingerlatitsinissamut allagartat katassimavat
- Ingerlatitsinissamut allagartat tillinneqarsimavoq
- Ingerlatitsinissamut allagartat ajoqqusersimappat
- Atit allanngortissimavat
- Nappaat pisuulluni aalajangersimasumik ingerlatitsinissamut allagartat nutarterneqartarpoq
Ingerlatitsinissamut allagartat allanngortinniarukku taava immersugassaq atorlugu tamanna qinnuteqaatigissavat. Kalaallit Nunaanni ingerlatitsinissamut allagartamut allannguinissamut qinnuteqaat.
Katassimagukku tillitsilluguluuniit
Ingerlatitsinissamut allagartat katassimagukku tillitsilluguluunniit, taava makku nassassavatit:
- Asseq kinaassutsimik uppernarsaat
- Asseq nutaaq naleqquttoq
- Immersugassaq immersoriigaq
Ajoqqusersimappat imaluunniit atit allanngortissimagukku
Ingerlatitsinissamut allagartat ajoqqusersimappat imaluunniit atit allanngortissimagukku, taava makku nassassavatit:
- Ingerlatitsinissamut allagartat
- Asseq nutaaq naleqquttoq
- Atit allanngorsimappat tassunga uppernarsaat
- Immersugassaq immersoriigaq
Atuuffia
Ingerlatitsinissamut allagartaq angusiffiusumik biilernermik misilinneqarfimmiit atuutsilissaaq illit 70-iliinissavit tungaanut. 70-iliiguit nakorsiassaatit. Nakorsap nalilissavaa illersorneqarsinnaasumik biilersinnaanersutit.
70-iliiguit ingerlatitsinissamut allagartat piffissani sivikitsuni taamaallaat atuuttalissaaq:
- 70-inik ukioqaruit taava ukiuni sisamanik atuuttumik ingerlatitsinissamut allagartattaassaatit
- 71-inik ukioqaruit taava ukiuni pingasunik atuuttumik ingerlatitsinissamut allagartattaassaatit
- 72 aamma 79-it akornanni ukioqaruit, taava ukiuni marlunni atuuttumik ingerlatitsinissamut allagartattaassaatit
- Er du 80-inik ukioqaruit sinnerlugilluunniit, taava ingerlatitsinissamut allagartat ukiut tamaasa nutarterneqartassaaq
Ingerlatitsinissamut allagartattaarnialeraangavit pinerit tamaasa peqqissutsimut allagartaq nassartassavat.
Inuussutissarsiutigalugu inunnik angallassineq
Inuussutissarsiutigalugu inunnik agallassisinnaanermut ingerlatitsinissamut allagartartaarsinnaavutit.
Taxartarniaruit imaluunniit bussinik ingerlatitsisarniaruit taava makku pigissavatit.
Malugiuk
Inuussutissarsiutigalugu Ingerlatitsinissamut allagartartaarniartut:
- 21-leereersimassapput
- Sivikinnerpaamik ukioq ataaseq Ingerlatitsinissamut allagartaqareersimassapput
- Inuussutissarsiutigalugu inunnik angallassisinnaanermut misilitsinneq ingerlatitsinissamut misiliineq angusiffigineqarsimassaaq
- Peqqissutsimut allagartaq nassarneqassaaq (politiinut tunniunneraniit nakorsamit allagartaq qaammatit pingasut sinnernagit pisoqaassuseqassaaq)
Inuussutissarsiutigalugu inunnik angallassisinnaanermut ingerlatitsinissamut allagartaq ukiunut tallimanut atuuttussanngorlugu tunniunneqassaaq, ingerlatitsinissamut allagartaq taanna sivikinnerusumik atuuffeqartinneqanngippat imaluunniit peqqissutsimut tunngatillugu sivikinnerusumik atuuffeqassappat.