Katersuiniaanernut tamanut ammasunut aamma eqquiniaatitsinikkut tuniniaanerit nalinginnaasut
Peqatigiiffiugussi imaluunniit atorfeqarfiugussi il.il. kissaatigalugulu tamanut ammasumik ajunngitsuliornermut atugassanik imaluunniit tamat iluaqutaasussamik siunertalimmik eqquiniaatitsiniarlusi tuniniaaniarussi, taava tamanna nunagisanni politeeqarfimmut nalunaarutigissavat imaluunniit politeeqarfimmiit akuersissummik pillutit.Iluaqutaasussamik siunertalik tassaasinnaavoq katersuiniarneq meeqqanut inuusuttunullu atugarliortunut Kalaallit Nunaanniittunut tunngatitaq imaluunniit kræftimut akiuiniarnermut tunngasuusinnaalluni.
Siunertaa tassaasariaqarpoq nalinginnaasumik soqutigineqartoq soorlu oqaluffiup nutaanik igalaalersorneqarnissaanut katersuiniarneq, atortoqarfinnut tamanut ammasunik kusassaaneq , illoqarfiup meerartaasa paasisassarsiorlutik angalanissaannut assigisaannulluunniit.
Nalunngissallugit pingaarutillit
Tamanut ammasumik katersuiniarneq
Tamanut ammasumi katersuiniarermi tapersersiisoq tunissuteqartarpoq imaluunniit aningaasanik tunniussaqartarpoq naak toqqaannartumik nammineq akilerneqanngikkaluarluni.
Katersuiniarnerit tamanut ammasut taamaallaat nalunaarutigineqartussaapput. Politiit nalunaarut tigugunikku taava tamanna tigusimallugu uppernarsassavaat.
Tamanut ammasumik eqquniaatitsinikkut tuniniaaneq
Tamanut ammasumieqquiniaatitsilluni tuniniaanermi tuniseqataasoq tunisinermini akilerneqassaaq / eqquissaaq.Tamakku tassaasinnaapput radiukkut bingortitsineq, qititsitsineq, isiginnaartitsinerit imaluunniit aaqqissuusinerit allat, taamaattuni peqataasut eqqugassaqarlutik eqquisinnaapput, imaluunniit peqataasut peqataanermikkut iluanaarutinik tamanut ajunngitsunut atugassanik imaluunniit iluaqutaasussanik siunertalinnik. Tassaasinnaapput radiukkut bingortitsinerit, qititsitsineq, isiginnaartitsinerit imaluunniit aaqqissuusinerit allat peqataasunit eqqugassamik akissarsiffiusinnaasut, imaluunniit peqataasup peqataanermigut akerlianik taperneqarsinnaalluni, tassa iluanaarutaasut ajunngitsuliornernut imaluunniit tamanut iluaqutaasuussanut atorneqalerpata.
Eqquiniaatitsineq tamanut ammasoq politiinit akuersissummik pinikkut ingerlanneqarsinnaavoq.
Qinnuteqaatit politiinut tunniutsinnagu kommuunimit tamanna akuerineqaqqaassaaq.
Taamaasioreeruit taava qinnuteqaat illoqarfigisanni politeeqarfimmut tunniutissavat.
Uku ilanngunneqanngillat:
- Ukiup ataatsip ingerlanerani marloriarlutit tamanut ammasumik aaqqissukkamut tunngasumik ingerlanniakkannik qinnuteqarniaruit, aningaasallu tassani katersukkat siunertamut ataatsimut katersorneqassappata, pisorlu piffimmi ataatsimi pissappat, taava qinnuteqaatit uunga nassiutissavat: Kalaallit Nunaata Politiivi Pingaarneq, taakku qaqutigooraluartumik akuersissut tunniuttarpaat.
- Tamanut, taannalu illoqarfinni assigiinngitsuni ingerlanneqassappat, taava taakkununnga qinnuteqaatit uunga nalunaarutigissavat: Kalaallit Nunaata Politiivi Pingaarneq.
- Kia katersuiniarneq imaluunniit eqquiniaatitsineq ingerlanniarneraa
- piffissami sumi (qanoq ilinikkut) katersuiniarneq / eqquiniaatitsineq pissava
- sumi katersuiniarneq/ eqquiniaatitsineq pissava,
- qanoq iliornikkut katersuiniarneq/ eqquiniaatitsineq ingerlanneqassava,
- aningaasat sumut siunertamut atorneqassappat aamma kia naatsorsuutinut tunngasut kukkunersiussavai.
Qinnuteqaammut tunngasumik ikiorneqarnissannik kissaateqaruit imaluunniit nalinginnaasunik aaqqissuusinernut tamanut tunngasut pillugit apeqqutissaqaruit, taava tikilluaqquatsigit Kalaallit Nunaanni Politiit Aqiutsisoqarnermi Alaffeqarfiannut e-maili una atorlugu: GRL-lesek@politi.dk imaluunniit oqarasuaatikkut eller telefonnummer: 701448 saaffiginneqqullutit.
Aaqqissuusaq tamanut ammasoq ingerlanneqareerpat, taava naatsorsuutit najukkanni politeeqarfimmut imaluunniit Aqutsisoqarnermut Allaffeqarfimmut nassiutissavatit apeqqutaalluni illit nalunaarutit kia tigusimanaraa imaluunniit akuersissut tamanut ammasumik eqquiniaatitsiniarnissamut akuersissut tunniunneraa.
Tamanut ammasumik eqquniaatitsinissamut akuersissummik tunineqarsimaguit, taava naatsorsuutit taanna pillugu kingusinnerpaamik qaammatit pingasut (3) eqquiniaatitsinerup kingorna qaangiutsinnagit nassiunneqareersimassapput.
Ammasumik katersuiniartitsinissamut akuersissummik pereeruit, tamannalu pissusissaq malillugu nalunaarutigereerukku, taava pereerneraniit naatsorsuutit tassunga tunngasut kingusinnerpaamik qaammatit arfinillit (6) qaangiutsinnagit nassiutissavatit.
Piffissaliussamik qaangiisimaneq imaluunniit naatsorsuutinik nassitsinnginneq akisussaasunut akiliisitsinermik kinguneqarsinnaavoq.
Tamanut ammasumik eqquniaatitsinissamut akuersissummik tunineqarsimaguit, taava naatsorsuutit taanna pillugu kingusinnerpaamik qaammatit pingasut (3) eqquiniaatitsinerup kingorna qaangiutsinnagit nassiunneqareersimassapput.
Ammasumik katersuiniartitsinissamut akuersissummik pereeruit, tamannalu pissusissaq malillugu nalunaarutigereerukku, taava pereerneraniit naatsorsuutit tassunga tunngasut kingusinnerpaamik qaammatit arfinillit (6) qaangiutsinnagit nassiutissavatit.
Piffissaliussamik qaangiisimaneq imaluunniit naatsorsuutinik nassitsinnginneq akisussaasunut akiliisitsinermik kinguneqarsinnaavoq.
Tamanut ammasumik katersuiniartitsiniarlutit nalunaarutinnut akuerineqarsimanngikkuit imaluunniit eqquiniartitsiniarninnut, taava tamanna Inatsisilerinermut ministereqarfimmut /Justitsministeriet maalaarutigisinnaavat.
Maalaarutit uunga nassiutissavat Grønlands Politi att: Ledelsessekretariatet taava Aqutsisoqarnermut Allaffeqarfiup maalaarutit Inatsisilerinermut ministereqarfimmut /Justitsministeriet ingerlateqqissavaa.
Maalaarutit nassiukkukku, taava ilanngullugu allassavat sooq illit itigartinneqarsimassanngikkaluartutit tunngavilersorlugu.
Maalaarutit uunga nassiutissavat Grønlands Politi att: Ledelsessekretariatet taava Aqutsisoqarnermut Allaffeqarfiup maalaarutit Inatsisilerinermut ministereqarfimmut /Justitsministeriet ingerlateqqissavaa.
Maalaarutit nassiukkukku, taava ilanngullugu allassavat sooq illit itigartinneqarsimassanngikkaluartutit tunngavilersorlugu.