Sakkunik imassanillu nioqquteqarsinnaanermut qinnuteqarit

Sakkunik aamma/ imaluunniit imassanik nioqquteqarniarneq inatsimmut sakkunut tunngasumut ilaavoq tassa § 1-imi (sakkut hel- aamma halvautomatiskinik taaneqartartut, aallaasit naatsut il.il.) taakku sakkunik tuniniaasinnaatitaanermut Kalaallit Nunaata Politiiviniit akuersissuteqaqqaarluni pigineqarsinnaapput.

Sakkunik nioqquteqarsinnaatitaanermut inatsimmut § 1-imut ilaanngitsut (manuelt repetérbarenik taaneqartartut, saviit il.il.), taakkununnga akuersissummik peqaqqaartariaqanngilaq.

Akuersissutit sakkut pillugit inatsimmut tunngasut inummut akuersissutilimmut tunngasuupput. Taamaattumik taamaallaat suliffeqarfiup sulisui ataasiakkaat akuersissummik tunineqarsinnaapput, imaanngitsoq suliffeqarfik tamarmi.

Sakkunik nioqquteqarsinnaatitaanermut akuersissut pigisat tassaavoq sakkunik halvautomatiskinik taaneqartartunik eqqussisinnaatitaaffeqarneq aamma nioqquteqarsinnaatitaaffeqarneq.

Aallaaviuvoq illit eqqussisinnaatitaanissamik akuersissummik peqartariaqanngitsutit. Nunalli ilaat sakkunut aalajangersimasunut immikkut ittunut aamma immaqa imassaannut nalunaarummik taakkununnga tunngasumik takusaqarusuttartut, taakku illit Kalaallit Nunaannut eqqutissagukkit.

Nioqquteqartutut illit akisussaaffigaat paasiniassallugu nunat ataasiakkaat sunik uppernarsaatinik Kalaallit Nunaannut sakkunik eqqussinermi piumasaqaateqarnersut (nuna nassitsiffik).

Akuersissummut nalunaarut ilanngullugu nassiutissavat.

Akuersissummut nalunaarut immersoriigaq tigoreerutsigu, taava akuersissummut tunngasunik apeqqutinik piumasaqaatinut tunngasunik, taassumalu ataanni sakkut nioqqutiginiakkatit suut pineqarnersut, illillu qanoq ilillutit tuniniaaniarnersutit il.il. nassikkumaarpatsigit.

Allakkatigut akuersissut nassiutissavat, taava politiit paasissutissanik ilinnut tunngasunik aamma maannamut inuunerisimasannut (vandel) tunngasunik paasiniaassapput.

Taamaattumik qinnuteqaatinnut ilanngullugu akuersinermut nalunaarut ilanngutissavat.

Politiit akuersissutinik tunniussinnginnerminni misissueqqaartarput il.il., tassa qinnuteqartoq arlaatigut inunnut navianaatilimmik pineqaatissinneqarsimanersoq soorlu ulorianartumik pinerluuteqarsimanersoq imaluunniit inatsit sakkunut tunngasoq unioqqutissimaneraa.

Tigussaasumik naliliisoqassaaq, tassani nalilerneqassalluni paasissutissat saqqummertut qinnuteqaatip tunniunneqarnissaa nangaanartoqalersinneraa.

Sakkunik tuniniaasinnaatitaanermut akuersissut 840 kr.-nik akeqarpoq, taakkulu Kalaallit Nunaata Politiivinut akiliutigineqassapput. Qinnuteqaatit tigoreerutsigu taava siunnersussavatsigit qanoq ilillutit akiliissasutit.

Akuersissut sakkunut tunngasoq aallaavianiit e-mailikkut nassiunneqassaaq.

 

Ilaanneeriarlutali sakkunik tuniniaasinnaanermut akuersissut allakkatigut nassiuttarparput.

Ullormiit atuutsilerfimminiit ukiuni tallimani atuutsissaaq.