Kommunefogedinngorniarnermi suut piumasaqaataappat?
Kommunefogedinngussaguit taava qaluunaatut innuttaasuusariaqarputit, pillagaasimanermut allagartanni allassimasoqassanngilaq (pillagaasimassanngilatit), peqqissuussaatit - timikkut tarnikkullu - nunaqarfimmilu piginnaanilerneqarfinni piareersimasuussussallutit.
Suliassannut piareersassavatsigit - illinniarnissavit tungaatigut taamattaarlu atissassannik tunissallutit, tassa politiitut uniformit, politiip anaataa aamma paffequtit savimerngit tunniunneqassapput taamattaaq mobiltelefoni sulininni atortagassat.
Kommunefogedip suliassai
Kommunefogedi eqqissisimasuutitsisuussaaq aamma inatsisit malittarisassallut allat malinneqarnissaat nakkutigisussaallugu - tassa suliassat politiinut tunngasut pineqarput.
Taakku saniatigut aamma allaffissornerup iluni suliassanut tunngasunik suliassinneqarsinnaavutit, taassumalu ataani nalunaarutiginninnerit, ineqartunik anisitsinerit isumagalugit aamma akiliisitsisarnerit.
Politiitut suliassat ilinnut tunniunneqartussat ilimagissavatit naammassiuminartuussasut, tassami pinerluttoqarsimaneranik paasiniaanerit nalinginnaasumik politiitut ilinniarsimasunit suliarineqartarmata.
Qinnuigineqarsinnaavutit killisiuissasutit, assiliillutit imaluunniit pigisanik aallerlutit (tillitanik arsaarinnissutinit suliaqarlutit imaluunniit uppernarsaatit isumannaallisarlugit).