Spring til hovedindhold
Vi har lanceret en grønlandsksproget version af Grønlands Politis hjemmeside. Hvis du savner den dansksprogede, finder du den her.

Siunnersuutit

{{result}}

Schengen visum

Schengen visum pigigaanni taava Schengenip iluani sumiluunniit angalasoqarsinnaavoq. Schengen visum Kalaallit Nunaannut isernissamut atorneqarsinnaanngilaq, taamaallaat Kalaallit Nunanniit nunamut Schengenip iluaniittumut atorsinnaalluni.

Udlændingestyrelsen sinnerlugu Kalaallit Nunaata Politiivisa Schengen visumminik allagartat qinnuteqaatit tigusarpai, taamaasillutik inuit Kalaallit Nunaanni najugallit Schengenimut angalasinnaalersillugit. Innersuutigaarput aallarnissaq qaammatinik marlunnik sioqqullugu visummimik piniartoqassasoq, tassami politiit visummimik tunniussinissamik piginnaatitaalersinneqarneri ullunik 60-inik sivisussuseqarsinnaasarmat.

Uani nittartakkami Schengen visum pillugu apeqqutigerusutaannut tunngasunik akissutinik pinngikkuit, taava qinnuigaatsigit Udlændingestyrelsen attavigeqqullugu:

 

Udlændingestyrelsen

Telefonnummer: +45 35366600
Imaluunniit e-mailimik allallutit una attaveqarnissamut allagartaq uaniittoq Udlændingestyrelsen linkimiittoq atorlugu:

Udlændingestyrelsen kontaktformular

Skema qinnuteqaat ataaniittoq aajuk.
Ansøgning om Schengen visum (qallunaatut)
Application for Schengen Visa (English)
Paasissallugit pingaarutillit

Nunami Schengenip suleqatiginngisaanni innuttaaguit, taava Schengen visummeqaqqaarlutit nunamut Schengenimiittumut angalasinnaavutit. Kalaallit Nunaat Schengen pillugu suleqatigiinnermi ilaanngilaq, taamaattumik Kalaallit Nunaannukarsinnaanngilatit Schengen visum atorlugu. Kisianni Schengen visum atorlugu Kalaallit Nunaanniit angalasinnaavutit nunamut suleqatigiinnut ilaasumut.

Misissuinerit aallartillugu paasiniassavat ilumut Schengen visum atussanerlugu. Linkimi uani nalunaarsuutit takusinnaavatit tassa nunani sorlerni visummeqartariaqarnersutit aamma nunani sorlerni visum atofissaqartinnginnerlugu:

 

Nunat visummeqarfiusussat aamma visummeqarfiusussaanngitsut

Nunani allaneersunut visummeqartussanut Kalaallit Nunaanni najugaqarsinnaatitaasunut

Innuttassuseqarpit Kalaallit Nunaanni najugaqarsinnaatitaasoq visummeqartussaq aamma kissaatigaajuk Danmarkimukarnissat, taava Danmarkimut visummeqarnissaq pisariaqartippat. Pisumi uanerpiaq angalanissamut napparsimalersinnaanermut sillimmasiissut piumasaqataanngilaq.

Nunamut imaluunniit nunanut arlalinnut Schengenimiittunut angalasussaavit, taava visummeqarnissat pisariaqarpoq. Uani napparsimalersinnaanermut sillimmasiisimanissaq piumasaqaataavoq.

Qinnuteqaat Kalaallit Nunaata Politiivinut tunniutissavat, taakku qinnuteqaatit allaffimmut Udlændingestyrelsenimiittumut visummileriffimmut nassiutissavaat.

Schengen visum angalanissannut pissagukku, taava piumasaqaatit arlallit naammasseqqaartariaqarpatit:

 

  • Angalanissamut uppernarsaammik visummivit atorunnaarnerata kingorna qaammatini pingasuni suli atuuttoq
  • Ima aningaasateqartigissaatit tassaniinnerit nammineerlutit akilersinnaallugu aamma angerlarnissat
  • Angalaninni piffissaq tamaat napparsimalersinnaanermut sillimmasersimassaatit, taannalu Schengenip iluani tamani atuutsissaaq

 

Imaassanngilatit:

 

  • Schengenimi aaqqissuussinikkut paasisassarsiorfimmi (SIS) kissaatigineqanngitsutut nalunaarutigineqarsimasoq
  • Danmarkimiit anisitaasimasoq
  • Danmarkimut iseqqusaanngitsoq
  • FN-mi imaluunniit EU-mi iliuusereriikkanut kingunerititaasumik allattorsimaffimmiittoq

 

Schengen visummitaarniarnermi piumasaqaatit pillugit annerusumik uani paasisaqarsinnaavutit:

Danmarkimi nutaajuneq: Visummitaarniarnermi piumasaqaatit

Unnersuussutigaarput uppernarsaatit qinnuteqalernermi atorneqartussat katersussagitit, tassa najugaqarfinni politeeqarfiliartinnak.

Aajuku uppernarsaatit pisariallit:

 

  • Angalanermi napparsimalersinnaanermut sillimmasiummut uppernarsaat, taanna Schengenimi tamarmi atorsinnaassaq, angalanerlu tamaat atuutissalluni. Minnerpaammik 30.000 €-nik naleqassalluni.
  • Passi atorsinnaasoq imaluunniit angalanissamut uppernarsaat alla. Visummimi piffissaliussap avataana minnerpaamik qaammatini pingasuni atuutissaaq, ukiut qulit kingulliit ingerlanerini atulersinnaqarsimassalluni, aamma minnerpaamik quppernerit marluk allaffigineqarsimassanngillat
  • Passimut asseq, pasfoto. Angissuserissavai 35 mm x 45 mm. Asseq assingussaaq saarpiaaniillu assilisaasimassalluni.
  • Uppernarsaatit allat aamma katersortariaqarpatit - Soorlu angalanerpit siunertaa, sumiiffissanut uppernarsaatit, naammattunik aningaasanik angalanermut atugassarnersutit aamma angerlarsinnaajumaartutit, taamattaaq paasissutissat, taakku takunerini nalilerneqassaaq Schengeni qimallugu angalaniarnersutit, tassami visummimi takuneqarsinnaassagami suut piumasarineqarnersut

 

Kalaallit Nunaata Politiivisa ilaanneriarlutik suliassaq suliariumaneq ajorpaat, tassa qinnuteqaatit amigaateqarpallaarpat. Soorlu Schengenimut skema qinnuteqaat amigaataappat, timmisartornissamut billetsit kopiivi imaluunniit angalanissamut uppernarsaatit atorsinnaasut amigaatigineqarpata.

Skemat qinnuteqaatit marluk arlaat immersoruk, uani nassaarisinnaavatit:

 

Schengen visummimik qinnuteqaat (Qallunaatut)

Application for Schengen visa (English)

 

Taava qinnuteqaatit najugaqarfinni politeeqarfimmut tunniutissavat. Nunami najugaqaqarfinni Schengen visummi qinnutigissavat , aamma nammineerlutit sinniisuutitaqarfimmut takkullutit tunniukkiartussavat. Eqqaamassavat uppernarsaatit atorneqartussat tamaasa ilanngutissagakkit, taakku qulaani allassimapput, taamaaliunngikkuit suliarinerinut piffissaq sivitsussagami imaluunniit qinnuteqaatit tunniunnerani itigartinneqarluni.

Schengen visummip tunniunneqarnissaanut piffissap sivisussusaa apeqqutaavoq allaffiup visummileriffiup Udlændingestyrelsenimiittup suliamik suliarinninnera.

Taamaattumik Kalaallit Nunaata Politiivisa inappaatit piffissaagallartillugu qanoq iliuuseqassasutit. Unali malugeqquarput visummi qinnuteqaatigissavat aallarnissat qaammatinik pingasuni sioqqullugu.