Passimik inniminniineq
Nutaamik passitaarniarpit imaluunniit passit pisoqalisimasoq nutartertinniarpiuk immaqaluunniit tammarsimappat imaluunniit nutaamik atertaarsimaguit, taava nammineerlutit politeeqarfimmut takkulutit piniassaatit.
Meeqqat 18-it inorlugit ukiullit aamma nammineerlutik passeqartussaapput, tassa angajoqqaammi passiani allassimajunnaarlutik. 18-it inorlugit ukioqaruit passitaassallutillu, taava angajoqqaatit imaluunniit angajoqqaatut pisussaatitaasut qinnuteqaatit atsiussavaat.
Kalaallisut imaluunniit qallunaatut passi
Kalaallit Nunaanni passi kalaallisooq imaluunniit qallunaatooq atulersinneqarsinnaavoq. Kalaallit Nunaanni najugaqaruit taava illit nammineerlutit aalajangissavat passimik kalaallisoortumik imaluunniit qallunaatoortumik perusunnerlutit.
Passit taakku marluk assigiinngissutaat aajuku:
- Passip qallunaatoortup saqqaani allassimavoq Danmark - Den Europæiske Union
- Passip kalaallisoortup saqqaani allassimavoq Danmark - Kalaallit Nunaat
Nunani sorlerni passip atorsinnaanera assigiinngissuteqanngilaq, taamaallaat passip iluani oqaatsit suut atorneqarnersut assigiinngissutaavoq.
Passitaarniarnermi piumasaqaatit
Kalaallisoortumik qallunaatoortumilluunniit passitaarniaruit piumasaqaataavoq qallunaatut innuttaaneq.
Suut nassassavigit?
- Qinnuteqaat immersoriigaq. Maluginiaruk immersugassaq immersorukku, tassa atitit tamarmik annerpaamik 30-nik naqinneqassammata. Atit siulleq aamma tulliuttut soorlu ukuuppata Erna Charlotte Kristine Pernille, taava naalisarsinnaavatit imaalillugit Erna C.K P. kingornalu taava kinguliat.
- Passitaarnermi passitoqaq utertinneqassaaq. Passitoqaq takutissinnaanngikkaanni (apeqqutaanngilaq taanna tillinneqarsimanersoq, tammarsimanersoq, ikuallassimanersoq, allatulluunniit tammarsiamnersoq) taava nutaamik pisaarniarnermi marloriaammik akiliisoqassaaq.
- Siorngatigut passeqarsimanngikkuit imaluunniit pisoqaq takutissinnaanngikkukku, taava kuisinnermut allagartaq, atip allagartaa imaluunniit inunngornermut allagartaq nassarneqassaaq.
- Atermik eqqortumik takussutissaq. Tamanna taamaallaat pisariaqarpoq aqqit qanittukkut allanngortissimagukku soorlu katinnikkut.
- Passip assitassaa naleqquttoq. Asseq qalipaateqassaaq imaluunniit assi qernertoq/qaqortoq saavaniillu assilisaassalluni. Assip passimiittussatut akuerineqassaguni, aamma piumasaqaateqarpoq allanik
Akit
- Passi inunnut 18-it 64-illu akornganni ukiulinnut 431 kr.-nik akeqarpoq
- Passi meeqqanut 0-iniit 11-nut ukiulinnut 115 kr.-nik akeqarpoq
- Passi inuusuttuaqqanut 12-17-illu akornganni ukiulinnut 146 kr.-nik akeqarpoq
- Passi inunnut 65-it sinnerlugit ukiulinnut 181 kr.-nik akeqarpoq
Passitaarnermi passitoqaq utertinneqassaaq. Passitoqaq takutissinnaanngikkaanni (apeqqutaanngilaq taanna tillinneqarsimanersoq, tammarsimanersoq, ikuallassimanersoq, allatulluunniit tammarsiamnersoq) taava nutaamik pisaarniarnermi marloriaammik akiliisoqassaaq.
Ingerlatseriaaseq
12 -nik ukioqalereersimasut tamarmik 1. januar 2012 -ip kingorna passitaarniartut inussat ipai scannertittassavaat. Inussat ipaasa scannertinneri politeeqarfimmi tiguneqassapput taakkulu passitaarnermi atorneqartussaapput.
1. januar 2012 -ip kingorna passit tunniunneqarsimasut inussalli ipaasa scannertinnerinik ilaqanngitsut suli atorsinnaapput, passeq suli atuuppat.
Passitaarnianermi nammineerlutit politeeqarfimmut ornigutissaatit. Aamma passitaarniartut 18-it ataallugit ukiulinnut tamanna atuuppoq.
Tunniunneqarnissaanut piffissaq
Passitaarniarlutit inniminniiguit, taava sap.ak.sisamat qaangiunnerini politeeqarfimmut aasinnaavat. Passi Danmarkimi suliarineqartussaammat taamaattumik sap.ak.sisamanik suliarinera Nunatsinnullu nassiunnera sivisussuseqartarpoq.
Angalanissat sioqqullugu passitaarniarninnut qinnuteqaatip nassiunnissa illit nammineerlutit akisussaaffigaat.