Attaveqarnissamik aaqqissuussineq qinikkanut taakkulu qanigisaannut atuuttoq, ajornaatsumik toqqaanartumillu politiinut ammaasisarpoq, tassa qinigaq qunusaarneqarsimappat, uumisaarneqarsimappat allamilluunniit toqqissisimajunnaarsinneqarsimappat.
Attaveqarnissamik aaqqissuusinerup suut qinikkanut qanigisaannullu kingunerisinnaavai?
Attaveqarnissamik aaqqissuusineq qinikkanut qanigisaannullu neqeroorutaavoq, taakku pisimasunik oqaloqatiginnikkusuppata, ernumappata imaluunniit pisumik nalaataminnik suliassanngortitsiniarpata, taakkunani politiinit ilitsersorneqarsinnaallutillu siunnersorneqarsinnaapput pisut qinikkap politikkikkut sulineranut atassuteqarpat. Soorlu makkuusinnaapput:
- Uumisaarneqarnerit, qunusaarneqarnerit aamma nakuuserfigineqarnerit
- Pisut toqqissijunnaarsitsisut aamma ernumanerit
- Immikkoortut sianigisaassat aamma ilitsersuinerit soorlu qinikkap inuttut toqqissisimanissaa aamma isumannaassusaa anguniarlugit tunngavigineqassapput pisimasut piviusut
- Nalinginnaasumik ilitsersuineq aamma pinaveersaartitsineq toqqissisimaneq aamma isumannaassuseq qinikkap qanigisaasalu uumisaarneqartarnerinut aamma qunusaarneqartarnerinut tunngatillugu.
Qinikkanut qanigisaannullu attaveqarnissamik aaqqissuussinermut kikkut pineqarpat?
Attaveqarnissamut aaqqissuussinermi naalagaaffeqatigiinnermi qinikkat tamarmik pineqarput, taassuma ataaniipput kommuneni politikerit, nunap immikkoortuini siunnersuisartut, folketingimi politikerit, Europa-Parlamentimi qallunaat ilaasortat, Nunatsinni qinikkat tamarmik aamma Savalimmiuni, taamattaaq ministerit, naak qinigaanngikkaluartut. Taakku saniatigut attaveqarnissamik aaqqississuussunermi qinikkat qanigisaat ilaapput.
Qinigassanngortittut sulili qinigaanngitsut, taakku attaveqarnissamik aaqqissuussinermut ilaatinneqanngillat.
Qinikkat qanigisaassalu qanoq ilillutik attaveqarnermut aaqqissuussineq atassuteqarfigisinnaavaat?
- Saaffiginnissutini tuaviortuunngitsuni politeeqarfinni e-mailadressit ataaniittut saaffiginnillutit atorsinnaavatit.
- Saaffiginninnini tamani politiit normuat pingaarneq atorneqartassaaq: +299 701448.
Attaveqarnissamik aaqqissuussinermut saaffiginnissaguit, taava pingaaruteqarpq makku paasissutissat oqaatigissallugit:
- Qinigaavit imaluunniit qinikkamut qanigisaavit
- Pisoq imaluunniit eqqasuut qanoq ililluni ilinnut imaluunniit qanigisavit politikkikkut sulineranut sunniiva, soorlu pisoq politikkikkut suliniuteqarneranut imaluunniit eqqasuut nalinginnaasuunersoq saaffiginnissimanermut aarlerinartumik tunuliaquteqartoq.
Paasissutissat attaveqarnissamut aaqqissuussinermut tunngasut Kalaallit Nunaanni
Attaveqarnissamut aaqissuussinermi Kalaallit Nunanni kommunalbestyrelsenut ilaasortat, Inatsisartut aamma Naalakkersuisut taakkulu qanigisaat ilaapput.
Attaveqarnissamut aaqqissuussineq Kalaallit Nunaata Politiivini: grl-kontaktordning-folkevalgte@politi.dk.
Attaveqarnissamut aaqqissuussineq Danmarkimi, paasissutissat attaveqarnissamut
Folketingimi politikerit, taassuma ataanniipput Nunatsinneersut aamma Savalimmiuneersut, Europa-Parlamentimi qallunaat ilaasortat aamma ministerit, inunnit qinigaanngitsut, taakkulu qanigisaat, taakku saaffiginninnissamik aaqqissuussineq pillugu Københavnip Politiivinut saaffiginneqquneqarput.
Saaffiginninnissamik aaqqissuussineq Københavnip Politiivini: kbh-kontaktordning-folkevalgte@politi.dk.