ISUMAQATIGIISSUTEQARSIMATINNANI NUUMMI POLITIINUT ISERTOQAQQUSAAJUNNAARPOQ
Suli maaniipput, kisiannili aqagu 20. marts nal. 8.00 aallartiffigalugu isumaqatigiissuteqarsimatinnani Nuummi Politiinut isertoqaqqusaajunnaassaaq. Aammattaaq Nuummi inuttaasunik sullissivik matuneqarpoq. Tamanna 8. april tikillugu atuukkallassaaq.
Kalaallit Nunaata Politiivi piareersimajuaannarput innuttaasunik ikiuunnissaminnut. Taamaammat napparsimalernaveersaarpugut. Piffissaq manna immikkut illuinnartoq aqqusaarparput, immitsinnut qanillinaveersaarnissarput pingaaruteqarluinnarluni.
Tassa imaappoq aqagumiit Nuummi Politiinut ornigunnissamut periarfissat killilersorneqalissasut.
Imaanngilarli matuissasugut – aammalu soorngunalimi pisarnerput malillugu takussaajuassaagut.
Pisunut nukinginnartunut vagtcentralimut tlf. 701448-mut attaveqarsinnaajuaannassaatit.
Suli maaniippugut. Qanillinaveersaaritsi immissinnullu paarigitsi.
OBS – Sinerissami sullissineq pisarnertut ingerlassaaq.