Politeeqarfilarutt makku nassassavatit
Qamutit. Qamutit nassassavatit, tassami politiit nalilissagamikku qamutit illersorneqarsinnaanersut, ajoquteqannginnersut.Ingammik makku misissortarpavut soorlu qullii, unittaatai aquutaalu.
Sillimmasiisimanermut uppernarsaat.
Nalunaarsornissamut blanketti immersoriigaq atsiorneqarsimasorlu. Paasissutissat piginnittumut tunngasut aamma blankettimiittut aamma sillimmasiisimanermut uppernarsaammiittut assigiissapput.
Malugiuk stelnormu eqqiarneqarsimassammat politiinullu takutinnerani takuneqarsinnaassalluni.
Paasissallugit pingaarutillit
Inatsisit malillugit pisussaaffigaat qamutivit taamaatinneri nalunaarutigissallugit. Allamik piginnittoqalernerini aamma taamaatitsinertut nalunaarutigissavat. Piginnittup nutaap qamutit nammineq aterminik nalunaarutigissavai, taava politiit illit nalunaarfigissavaatit qamutit illit atinnut nalunaarsorneqarunnaartut.
Politiit nalilerunikku suut tamarmik ajunngitsut, taava nalunaarsorneqarsimanermik allagartamik allassapput taassumalu kopiiva illit sillimmasiisarfinnut nassiullugu. Illit sillimasiinermut normut imaluunniit policenormut nalunaarsorsimanermut allagartami takuneqarsinnaassaaq.
Nalunaarsorneqareernerup kingorna paasissutissanut tunngasuni allanngortoqarsimappat, tassa qamutinut nalunaarsorneqarsimasunut tunngasuni, taava allannguut tamanna politiinut nalunaarutigineqassaaq. Taava tamamatuma kingorna nutaamik nalunaarsorsimanermut tunngasumik suliaqassaagut. Paasissutissanut sumi najugaqarnermut tunngasunut allannguuteqarsimanut tamanna atuutinngilaq.
Piginnittumut tunngasumik allannguuteqartoqarsimappat, taava piginnittup (allamik piginnittoqalernermi piginnittoq nutaaq) piaarnerpaamik, allamillu piginnittoqalersimanerup kingorna kingusinnerpaamik sap.ak.pingasut qaangiutsinnagit, pinngitsoorani qamutit nalunaarutigissavai, qamutit tamanna sioqqullugu taamaatissimallugit nalunaaruteqarsimanngippat.
Politeeqaarfeqanngitsumi najugarpit?
Politeeqarfeqanngitsumi najugaqaruit, taava politeeqarfik qaninnerpaaq saaffigisinnaavat taakkulu isumaqatigalugit qanoq ilillutit qamutit nalunaarsorneqassanersut aamma nummerplademik pinissat pillugit.
Politeeqarfik qaninneq attavigiuk