Spring til hovedindhold
Vi har lanceret en grønlandsksproget version af Grønlands Politis hjemmeside. Hvis du savner den dansksprogede, finder du den her.

Siunnersuutit

{{result}}

Qamutit motoorilinnik nalunaarsuineq

Qamutit motoorillit pinngitsooratit nalunaarsorneqartussaapput. Immersugassaq immersoriarlugu politeeqarfimmut saaffiginnissaatit.

Qamutit motoorillit nalunaarsukkit imaluunniit nalunaarsoqqikkit
Politeeqarfik naniuk
Politeeqarfilarutt makku nassassavatit

Sillimmasiisimanermut uppernarsaat

Qamutit. Aallartiffittut qamutit nassarneqassapput, tassa Kalaallit Nunaata Politiivi ilaanneeriarlutik qamutit ajunnginnersut misissortaramikkit. Taamaaliornermi ingammik qullii, unittaatai aamma aquutai misissorneqartarput.

Motoorimut akileraarutinik akiliisimanermut uppernarsaat

Nalunaarutiginninnermut immersugassaq immersoriigaq atsiorneqarsimasorlu. Sillimmasiisimanermut uppernarsatip aamma piginnittumut tunngasunut paasissutissat immersugassamiittut assigiissapput.

Malugiuk stelnormu eqqiarneqarsimassammat politiinullu takutinnerani takuneqarsinnaassalluni.


Paasissallugit pingaarutillit

Inatsisit malillugit pinngitsoornak qamutit taamaatikkukkit tamanna nalunaarutigissavat. Allamik piginnittoqalissappata aamma taamanna taamaatitsinertut nalunaarutigineqassaaq.

Qamutinik piginnittup nutaap qamutit atiminik nalunaarutigereerpagit, taava politiit ilinnut nalunaassapput qamutit illit ativit ataaniikkunnaartut.

Qamutit tunigukkit, taava malugeqquarput illit motoorimut akiligasaq aamma sillimmasiinermut akiligassaq illit akisussaaffigigakkit:

 

  • Qamutinik piginnittuulersup qamutit nammineq aterminik nalunaarutigereernissaata tungaanut
  • Imaluunniit illit politiinut taamaatitsininnik nalunaarutiginninninni nummerplade tunniussimagukku
    Qamutitit taamaatinneqartutut nalunaarutigigussigit, motoorinut akiligassaq imaluunniit sillimmaserneri akilersimanngikkukku, taava qamutit nutaamik nalunaarutigineqassapput, aamma tassani nalunaarutiginninnernut piumasaqaatit nalinginnaasut atuupput.

    Takku saniatigut akiitsut sillimmasiinermut tunngasut siulianeersut aamma motoorimut akiligassaq akilerneqareersimassapput, tassa qamutit nutaamik nalunaarsorneqartinnagit.
Politiit nalilerpassuk tamarmik ajunngitsumik nalunaarsorneqarsimasut, taava allagartamik nalunaarsuummik tunineqassaatit taassumalu aamma kopiiva sillimmasiisarfimmut akileraarutileriffimmullu nassiunneqassallutik.
Nalunaarsuiereernerup kingorna paasissutissanut tunngasuni allanngortoqarsimappat, tassa qamutit pillugit aamma paasissutissat nalunaarsuinermut allagartami ittut pillugit, taava allannguutit politiinut kalerriutigineqassapput. Taassuma kingorna nutaammik allagartamik nalunaarsuummik tunineqassaatit.Tamannali atuutsinngilaq taamaallaat najugarisamut paasissutissat allannguuteqarsimappata.
Nutaamik piginnittoqalersimappata, taava piginnittoq (nutaamik piginnittoqalernermi piginnittoq nutaaq) sukkanerpaamik kingusinnerpaamillu sap.ak.pingasut qaangiutsinnagit nutaamik piginnittoqalersimaneq nalunaarutigineqassaaq, aamma qamutit pinngitsooratik nalunaaruteqarnikkut nalunaarsorneqassapput, tamanna sioqqullugu qamutinik taamaatitsisimaneq nalunaarutigineqarsimanngippat.

Motoorinut akiligassaq pinngitsoorani akilerneqartussaavoq. Akiligassaq Kalaallit Nunanni Namminersorlutik Oqartussanut akilerneqassaaq, Akileraartarnermut Aqutsisoqarfimmut Kalaallit Nunaatta Politiivinuunngitsoq.

Motoorinut akiligassamut tunngasumik apeqqutissaqaruit aamma akiliummut utertitsinermut tunngasumik, taava Akileraartarnermut Aqutsisoqarfik saaffigissavat.

Politeeqaarfeqanngitsumi najugarpit?

Politeeqarfeqanngitsumi najugaqaruit, taava politeeqarfik qaninnerpaaq saaffigisinnaavat taakkulu isumaqatigalugit qanoq ilillutit qamutit nalunaarsorneqassanersut aamma nummerplademik pinissat pillugit.

Politeeqarfik qaninneq attavigiuk
Inatsisinut tunngasut
Nalunaarut 573 Kalaallit Nunaanni qamutinik nalunaarsuisarnerit