Spring til hovedindhold
Vi har lanceret en grønlandsksproget version af Grønlands Politis hjemmeside. Hvis du savner den dansksprogede, finder du den her.

Siunnersuutit

{{result}}

Kinguaassiuutitigut atornerlunneqaruit nalunaarutigiuk

Kinguaassiuutitigut atornerlunneqarsimaguit, politiinut nalunaarutiginissaa pingaaruteqarpoq.

Suliaqartutut paasisaqarusukkuit, annertunerusumik uani atuarsinnaavutit

Uuma elementip tunuaniippoq nunamik takutitsisoq (kortvisning). YouTube-video imaluunniit robottjek, taakku Google-meersuupput. Nunap assinganik takutitsisoq (kortvisning) takuniarukku, præference-cookiesit akuerissavatit. Videomik takorusukkuit imaluunniit robottjek atorniarukku, taava marketing-cookiesit akuerissavatit. Cookiesit taakku akuerinianngikkukkit ataani linki atorlugu allatut iluiuusissannik cookiesit pillugit quppernitsinni ujartuisinnaavutit.



Cookiesit pillugit atuarit

Tunumiusut tusaajuk
Avanersuarmiusut tusaajuk

 

Inersimasumik oqaloqateqarit

Politiit ilisarisimalluanngikkaanni attaviginissaat ajornakusoorsinnaavoq. Taamaammat ikiortariaqaruit inersimasoq ilisarisimalluakkat toqqissisimaffigisallu ajunnginnerusarpoq aperissallugu ikiorsinnaaneraatit.

 

Assersuutigalugu angajoqqaavit arlaat, qatanngutit ilinnit angajulleq, ilinniartitsisoq, kommunefogedi, politeeq imaluunniit peqqissaasoq. Taava illit pillutit susoqassanersoq taakkua paasissavaat. Illittaaq sinnerlutit uatsinnukarsinnaapput.

 

Soorunami aamma telefon 701448-mut sianersinnaajuaannarputit - taava ikiussavatsigit.

 

Kinguaassiutitigut atornerluineq ima iliornikkut nalunaarutigissavat

Kinguassiuutitigut atornerlunneqarsimaneq politeeqarfimmut nalunaarutigineqassaaq, tamanna aamma oqarasuaatikkut ingerlanneqarsinnaavoq imaluunniit kommunefogedimut, illit nammineerlutit nalunaarutigisariaqanngilat. Inersimasumik oqaloqateqarit, taava taassuma sinnerlutit oqaloqatigiartorsinnaavaatigut.

 

Nammineerlutit oqaloqatigerusukkutsigut tikilluaqqusaavutit sianernissannut uunga 70 1448.

 

Politeeqarfik nassaariuk

 

Pisoq politiinut nalunaarutigineqarpat taava susoqassava?

Kinguaassiuutitigut atornerluineq uatsinnut nalunaarutigineqarpat, taava pisoq pillugu misissuineq aallartissaaq.

 

Mappigassaq mapperuk tassanilu immikkoortut assigiinngitsut atuakkit:

Ilusilersugaq takuuk aallugulu
Atornerluineq politiinut nalunaarutigineqaraangat susoqartarpa? (Qallunaatut)
Ilinnut meeqqanik suliaqartumut - Plakati: Meeqqap pisariaqartippaatit?
Quppersagaq ilinnut meeqqanik suliaqartumut (Qallunaatut)
Plakati ilinnut meeqqanik suliaqartumut
Nalunaarutiginnereernermi suliap ingerlanera

Kinguaassiuutitigut atornerlunneqarsimaneq politeeqarfimmut nalunaarutigineqassaaq, tamanna aamma oqarasuaatikkut ingerlanneqarsinnaavoq imaluunniit kommunefogedimut, pisariaqanngilaq illit nammineq nalunaarutigissagukku. Inersimasumik oqaloqateqarit, taava taassuma sinnerlutit oqaloqatigiartorsinnaavaatigut.

Illit inersimasulluunniit kinguaassiuutitigut atornerluisimaneq nalunaarutigippagu, nalunaarut nalunaarsussavarput, taava suliaq aallartissinnaangussaaq.

Nalunaarfigineqarutta kinguaassiuutitigut atornerluisoqarsimasoq, taava pisimasoq misissorlugu aallartissavarput. Siullermik misissuinerit aallarnersaataasut aallartissapput,tassani susoqarsimanera paasisarparput. Amerlanertigut tamanna pisarpoq, inuup atornerluisimanermik nalunaaruteqarsimasumik oqaloqateqarnermik, immaqalu aamma takunnissimasunik ilanngussassalinnik.

Susoqarsimanera paasigaangatsigu taava paasiniaalluarnerit aallartittarput. Kinguassiuutitigut atornerluisimanerit paasiniaraangatsigit, misissortarparput illit suneqarsimanersutit.

 

Uagut pisussaavugut uppernassassallugu oqaatigisatit pisimasut, tamannami unitsittariaqarmat - pisut allanittaaq misigineqannginniassammata. Taamaattumik uppernarsaatissanik ujartuisarpugut soorlu inunnik apersuinikkut, taakku takusaqarlutilluunniit tusaasaqarsimasinnaammata. Uppernarsaatinittaaq mobiilit ujaasiffigisinnaavagut imaluunniit pisoqarfiusumi uppernarsaatissanik ujaasinikkut.

Paasiniaanitsinni soorunami aamma illit oqaloqatigerusoqaatsigit, pisimasoq tamaat tusarniassagatsigu. Taamaattumik politiimik oqaloqateqassaatit misigisimasatit pillugit. Taanna videokkut apersueqqissaarnermik taasarparput, oqaloqatigiinneq tamarmi immiunneqartussaammat. Kingorna taanna eqqartuussivimmi atorneqarumaarpoq illillu oqaluttuaqqinnissat pisariaarutissalluni.

 

Videokkut apersorneqartinnak politiip taassuma illit ilaquttatillu angerlarsimaffissinnut pulaassavaasi. Pisoq oqaloqatigiissutigineqassanngilaq, siunertaavorli immissinnut ilikkarnissarsi.

 

Videokkut apersueqqissaarneq sapinngisamik aqaguani pissaaq, politeeqarfimmi inimi nuannersumi. Tassani misigisimasatit oqaloqatigiissutigissavavut. Inummik allamik, pisariaqartissagukku, ilaqarsinnaavutit.

 

15-it ataallugit ukioqaruit aallaavigalugu taamaallaat videokkut apersuineq atussavarput.

 

Filmi videokkut apersuineq pillugu takuuk

 

Kitaamiusut

Tunumiusut
Avanersuarmiusut

Inuk ilinnut nuanniitsumik pissusilersorsimasoq politiit oqartarnerattut taasarparput pasisaq. Apersueqqissaarnermut ilaavortaaq pasisamik apersuineq, taassuma pisimasoq qanoq nassuiarsinnaaneraa. Tamanna ilaanni ima isumaqartarpoq illit oqaloqatigeqqinnissat pisariaqartoq.

Pisimasoq misissorluareerutsigu paasissutissallu naammattut pigilerutsigit, taava pasisat unnerluussinnaangortarparput.

 

Unnerluussineq isumaqarpoq misissuinitsinni paasisavut tamaasa eqqartuussivimmi unnerluussisussaatitaasup dommerimut saqqummiussinnaagai.

 

Dommerip nalilissavaa qularnaatsumik oqarsinnaalluni susoqarsimasoq aalajangerlunilu pasisap suneqarnissaanik.

Ilaanni paasissutissat naammattut eqqartuussivimmi atorneqarsinnaasut nassaarineqanngitsoortarput. Taava pisoq unitsinneqarallarsinnaasarpoq naammattunik paasissutissank utaqqiisaa. Tamanna pissagaluarpat taava imaanngilaq oqaatsitit upperinnginnatsigit. Imaaginnarporli uppernarsaatit ikippallaarmata.

 

Pisoq unitsinneqassappat illit angajoqqaatulluunniit akisussaatitaq nalunaarfigineqassaaq. Nutaanik uppernarsaatinik takkuttoqaraluarpat saaffigeqqiinnassavatsigut.