Kalaallit Nunaata Politiivini ammasarfiit nutaat
Marlunngorneq septemberip aallaqqaataa 2026 aallarnerfigalugu Kalaallit Nunaata Politiivini politeeqarfiit ammasarfii nutaat atuutilissapput.
Septemberip aallaqqaataa 2026 aallarnerfigalugu, Nuummi Politeeqarfik aammalu Nuummi Qullersaqarfimmi Innuttaasunut saaffiginnittarfik minillugit, politeeqarfiit sinneri tamarmik assigiinnik ammasarfeqalissapput.
Ammasarfiit nutaat imaalissapput:
- Ataasinngorneq, marlunngorneq sisamanngornerlu: nal. 10.00–14.00
- Tallimanngorneq: nal. 09.00–13.00
- Pingasunngorneq: Matoqqasassapput
- Arfininngorneq, sapaat nalliuttunilu: Matoqqasassapput
Nuummi Politeeqarfik aammalu Nuummi Qullersaqarfimmi Innuttaasunut saaffiginnittarfik pineqartunut ilaanngillat, ammasarfiilu taamaaginnassallutik.
Allannguut innuttaasunut ajornannginnerulersitsissaaq nalussanngimmassuk qaqugukkut politeeqarfigisaminnut ornigussinnaanertik, saniatigullu Kalaallit Nunaata Politiivini politeeqarfiit assigiinnik ammasarfeqalissammata.
Ammasarfiit nutaat politeeqarfiit isaariaanni allagartatigut takuneqarsinnaassapput. Allagartat ammasarfiit pillugit paasissutissanik qallunaatuunik kalaallisuunillu imaqassapput.
Tusagassiuutinut attavik
Tusagassiuutit saafiginnissagunik una attavigissavaat grl-presse@politi.dk imaluunniit +299 27 95 49.