Angut 42-nik ukiulik toqutsisimasutut pineqaatissinneqarpoq
Eqqartuussisoqarfik Sermersooq angummik Nuummi blok 5-imi toqutsisimasutut qallunaat tarnikkut napparsimasunut inissiisarfianniittussanngortitsilluni apriilip 28-ani 2026 pineqaatissiivoq.
Marlunngornermi apriilip 28-ani 2026 Eqqartuussisoqarfik Sermersuumi suliami toqutsinermi, 2024-mi oktoberimi Nuummi blok 5-imi pisumut tunngasumi, eqqartuussisoqqarpoq.
Angut 42-nik ukiulik qallunaat tarnikkut napparsimasunut inissiisarfianniittussanngortillugu pineqaatissinneqarpoq.
Eqqartuusseqataasut isumaqatigiillutik unnerluutigineqartumik angummik 20-nik ukiulimmik, Nuummi 2024-mi oktoberi pequusivimmi toqusumik, toqutsisimasutut pisuutippaat. Eqqartuussiviup suliami uani teknikkikkut paasissutissat aammalu suliami ilisimannittuusut nassuiaatigisimasaat pingaartippai.
Aammattaaq eqqartuusseqataasut tamarmik unnerluussisussaatitaasut qallunaat tarnimikkut napparsimasunut inissinneqartarfianniititsinissamut piumasaannut isumaqataapput.
Nunatsinni toqutsisoqarsimatillugu aallarniutitut ukiuni arfineq-marlunni inissiisarfimmiittus-sanngortitsinermik pineqaatissiisoqartarpoq.
Inuk inatsimmik unioqqutitsippat, inullu pineqartoq piffissami inatsimmik unioqqutsiffiusumi tarnimigut napparsimasimappat imaluunniit assingusumik inissisimasimappat, inissiisarfim-miittussanngortitsinani immikkut pineqaatissiisoqarsinnaavoq. Inuk taamak pineqaatissinne-qarsinnaavoq inuk pineqartoq nalinginnaasumik inissiisarfimmiittussanngortinneqarnissaanut naleqqutinngippat aammalu inuup pineqartup inatsimmik unioqqutitseqqinnissaata pinngit-soortinneqarnissaanut pisariaqartinneqarpat.
"Eqqartuussiviup inerniliinerata takutippaa politiit sukumiilluinnartumik misissuisimasut, tamatumalu kinguneraa suliami ilaatigut teknikkikkut uppernarsaatinik nukittuunik peqalersi-manerput, taamalu pineqaatissiinermik kinguneqarlutik. Suliaq ilungersunartuuvoq, angutip 20-nik ukiullip 2024-mi oktoberimi blok 5-imi pequusivimmi inuunini annaammagu. Taamaammat eqqartuussiviup piumasara malinniarlugu aalajangiinera toqutsisimasutullu unnerluussineq naapertorlugu pisuutitsinera naammagisimaarluarpakka" Aprilia Jespersen, unnerluussisoq, oqarpoq.
Suliaq unnerluunneqartup Nunatta Eqqartuussisuuneqarfianut suliareqqitassanngortippaa piumasaralugu pinngitsuutinneqarnissaq. Taamaammallu suliap nunatta eqqartuussisuune-qarfiani suliarineqartussanngornerani suliami uppernarsaatit nutaamik misissorneqaqqissap-put.
Angut 42-nik ukiulik qallunaat tarnikkut napparsimasunut inissiisarfianniittussanngortillugu pineqaatissinneqarpoq.
Eqqartuusseqataasut isumaqatigiillutik unnerluutigineqartumik angummik 20-nik ukiulimmik, Nuummi 2024-mi oktoberi pequusivimmi toqusumik, toqutsisimasutut pisuutippaat. Eqqartuussiviup suliami uani teknikkikkut paasissutissat aammalu suliami ilisimannittuusut nassuiaatigisimasaat pingaartippai.
Aammattaaq eqqartuusseqataasut tamarmik unnerluussisussaatitaasut qallunaat tarnimikkut napparsimasunut inissinneqartarfianniititsinissamut piumasaannut isumaqataapput.
Nunatsinni toqutsisoqarsimatillugu aallarniutitut ukiuni arfineq-marlunni inissiisarfimmiittus-sanngortitsinermik pineqaatissiisoqartarpoq.
Inuk inatsimmik unioqqutitsippat, inullu pineqartoq piffissami inatsimmik unioqqutsiffiusumi tarnimigut napparsimasimappat imaluunniit assingusumik inissisimasimappat, inissiisarfim-miittussanngortitsinani immikkut pineqaatissiisoqarsinnaavoq. Inuk taamak pineqaatissinne-qarsinnaavoq inuk pineqartoq nalinginnaasumik inissiisarfimmiittussanngortinneqarnissaanut naleqqutinngippat aammalu inuup pineqartup inatsimmik unioqqutitseqqinnissaata pinngit-soortinneqarnissaanut pisariaqartinneqarpat.
"Eqqartuussiviup inerniliinerata takutippaa politiit sukumiilluinnartumik misissuisimasut, tamatumalu kinguneraa suliami ilaatigut teknikkikkut uppernarsaatinik nukittuunik peqalersi-manerput, taamalu pineqaatissiinermik kinguneqarlutik. Suliaq ilungersunartuuvoq, angutip 20-nik ukiullip 2024-mi oktoberimi blok 5-imi pequusivimmi inuunini annaammagu. Taamaammat eqqartuussiviup piumasara malinniarlugu aalajangiinera toqutsisimasutullu unnerluussineq naapertorlugu pisuutitsinera naammagisimaarluarpakka" Aprilia Jespersen, unnerluussisoq, oqarpoq.
Suliaq unnerluunneqartup Nunatta Eqqartuussisuuneqarfianut suliareqqitassanngortippaa piumasaralugu pinngitsuutinneqarnissaq. Taamaammallu suliap nunatta eqqartuussisuune-qarfiani suliarineqartussanngornerani suliami uppernarsaatit nutaamik misissorneqaqqissap-put.
Tusagassiuutinut attavik
Tusagassiuutit saafiginnissagunik una attavigissavaat grl-presse@politi.dk imaluunniit +299 567140.