Kalaallit Nunaata Politiivisa 2025-mut ukiumoor-tumik kisitsisit saqqummiuppaat

Kalaallit Nunaata Politiivisa ullumi 2025-mut ukiumoortumik kisitsisit tamanut saqqummiuppaat. Ukiumoor-tumik kisitsisit politiit piffissami 2025-mi januarip aallaqqaataaniit decemberip naggataa tikillugu sulianik nalunaarutiginninnernillu ataatsimut nalunaarsuinerinik imaqarput, aammalu Nunatsinni pinerluttarnerup siuariartorneranik pingaarnertut paasissutissiipput, kiisalu Kalaallit Nunaata Politiivini immikkoortuni aalaja-ngersimasuni 2025-mi sulinermik paasissutissiillutik.

Ukiumoortumik kisitsisit takutippaat Kalaallit Nunaata Politivini 2025-mi nalunaarutigineqartut amerlassu-saat 2024-mut naleqqiullugu annertunngitsumik amerleriarsimasut. Naak nalunaarutiginninnerit nalunaar-sorneqartut amerleriarsimagaluartut, kisitsisit takutippaat ukiuni siuliini agguaqatigiissillugu amerlassutsinut naleqqiullugu kisitsisit ikileriarfiusut, tamannalu pitsaasuuvoq. Aammattaaq 2025-mi inatsisinik immikkut ittunik unioqqutitsinerit nalunaarutigineqartut 2024-mut naleqqiullugit ikinnerupput.

Nakuuserneq, tillinniarnerit aammalu aserorterinerit pillugit nalunaarutiginninnerit 2025-mi amerleriarsi-mapput. Taakku saniatigut inuusuttut pinerluttarneri pillugit nalunaarutiginninnerit nalunaarsorneqartut 2016-imiilli aatsaat taamak amerlatigaat. Aammattaaq takuneqarsinnaavoq suliat allat aalajangersimasut ikileriarfiusimasut.

Tamakku saniatigut 2025 ukiuuvoq kinguaassiuutitigut pinerluttarnerit nalunaarutigineqartarnerisa 2018-imiilli ikinnerpaaffigisaat. Aammattaaq meeqqanut 15-it inorlugit ukiulinnut kinguaassiuutitigut kannguttaat-suliornerit pillugit sulianut taamaappoq, nalunaarutiginninnerit ikiliartuinnavimmata. Ikiliartuinnarnerisa takutippaattaaq inuiaqatigiittut iliuuseqarnitta kingunerisaanik inuiaqatigiit ajornartorsiutaasa annerpaat ilaat immaqa annikillisikkiartuaaripput.

Siuariartornermi appariarnerit matumani taaneqartut saniatigut, ukiumoortumik kisitsisit aammattaaq pinerluttarneq aammalu politeeqarfiup sulineranut paasissutissanik allarpassuarnik imaqarput.

Erseqqissaatigineqassaaq Kalaallit Nunaata Politiivi 2025-mi ukiup affaata aappaani sulianik nalunaarsui-sarnermi aaqqissuussinermik nutaamik atuilernikuummata. Tassa imaappoq ukiumoortumik kisitsisit pillugit paasissutissat aaqqissuussinernit marlunnit assigiinngitsuneersuusut. Tamanna ukiumut nalunaarsuinernut siuliineersunut naleqqiutissagaanni toqqaannaq sunniuteqarsinnaavoq, aaqqissuussinerit sannaasa paasissu-tissanillu suliarinnittarnermi assigiinngissutsit paasissutissat kisitsisaatini saqqummersinneqarnerinut anni-kitsumik allanngortitsisinnaammata.

2025-mut ukiumoortumik kisitsisit Kalaallit Nunaata Politiivisa nittartagaanni tamakkerlugit atuarneqarsin-naapput.