Kommunefogedit sulinerminni atugarisaat pillugit misissueqqissaarneq

Ilisimatusarfik Kalaallit Nunaata Politiivisa qinnuiginerisigut kommunefogedit sulinerminni atugaannik misissueqqisaarnermik suliaqarsimavoq. Misissueqqissaarnerup inerneri massakkut saqqummiunneqarput.

Kalaallit Nunaatai Politiivi Ilisimatusarfillu novembarimi 2024-mi kommunefogedit sulinerminni atugaannik misissueqqissaarnissaq pillugu isumaqatigiissuteqarput, tamannalu marsimi 2026-imi naammassineqarpoq, Folketingimut qinersisoqarnerali pissutigalugu saqqummersitsinissaq kinguartinneqarpoq.

Misissueqqissaarneq kommunefogedit sulinerminni atugaasa pitsanngorsarneqarnissaat pillugu arlalinnik innersuutinik imaqarpoq. Innersuussutit ilaatigut tassaapput kommunefogedit Kalaallit Nunaata Politiivini akuunerat nukittorsarneqarnissaat, kursuseqarnermut periarfissanik neqerooruteqarnerup annertusarneqarnissaa, Kalaallit Nunaata Politiivi iluanni kommunefogedit atuuffii pillugit ilisimasanik avitseqatigiinnerup annertusarneqarnissaa kiisalu kommunefogit siunissami aaqqissugaanera taavalu oqartussat allat suleqatiginerunissaat pillugu periusissiornissaq.

"Kalaallit Nunaata Politiivini kommunefogedit piginnaaneqarluartut, sumiiffigisami isumannaallisaanermik, toqqissisimatitsinermik eqqissinermillu pilersitsisartunik, taamaalillutillu innuttaasunut ataasiakkaanut ulluinnarni allanngueqataasartunik, pisiariaqartitsivugut.

Taamaattumik kommunefogedit sulinerminni atugassarititaasut taavalu kommunefogedinut piumasarineqartullu ataqatigiissaarneqarnissaat pingaaruteqarluinnarpoq. Taamaattumillu Kalaallit Nunaata Politiivi ilaatigut kommunefogedit Kalaallit Nunaata Politiivini akuunerat suli nukittorsarniarlugu qanoq iliorsinnaanersugut misissorniarparput", Politiit pisortaat Bjørn Tegner Bay oqarpoq.

Kommunefogedit sulinerminni atugaat pillugit misissueqqissaarneq tamaat uani atuarsinnaavat:

Nalunaarusiaq pingaarneq: Kalaallit Nunaanni Kommunefogedit 2025

Ilanngussaq 1: Kommunefogedit sulinerminni atugaannik misissueqqissaarnissaq (qallunaatut)

Ilanngussaq 2: Suleqatigiinnissamut isumaqatigiissut (qallunaatut)

Ilanngussaq 3:
Nalunaarusiaq immikkoortoq A: Naalisaaneq aamma innersuussutit - apeqquteqaatit aallaavigalugu misissuineq

Ilanngussaq 4:
Nalunaarusiaq immikkoortoq B: Aaqqissuussaanermi pissutsit (qallunaatut)

Ilanngussaq 5:
Nalunaarusiaq immikkoortoq C: Apersuinerit aamma maluginiagakkat (qallunaatut)


Misissueqqissaarnermi periuseq il.il. pillugit apeqquteqaruit una attavigissavat Najaaraq Demant-Poort, suliniummik aqutsisoq, Ilisimatusarfik e-mail: nadp@uni.gl imaluunniit oqarasuaat: + 299 58 35 65.