Politiit kaammattuipput - pinngortitami imaatigullu imminut immissinnillu paarilluarisi
Kalaallit Nunaata Politiivisa innuttaasunut kaammattuutigaat pinngortitami imaatigulluunniit angalaarnermi imminnut paarilluartaqqullugit, eqqaamaqqullugulu atortut pisariallit kiisalu nerisassat imerpalasullu naammattut nassartarnissaat.
Nunarput aasarlualeruttorpoq, amerlasuullu silaqqitsillugu pinngortami pisuttuartarput imaluunniit imaatigut angalaartarlutik. Kalaallit Nunaata Politiivisa innuttaasut tamaasa kaammattorusuppaat aallannginnermi piareersarluaqqullugit aammalu sumiissusersiummik tatiginartumik soorlu GPS'imik allamilluunniit attaveqaataasinnaasumik sumiissusersiuutaasinnaasumillu naleqquttumik nassataqartaqqullugit, ajutuussagaluaraanni uternissamut ikiortissarsiornissamullu ajornannginnerussammat.
Kaammattuineq pilerpoq politiit sapaatit akunnerini kingullerni ujaasinerni annaassiniarnernilu arlalinni peqataanerisa kingorna, inuit pinngortitami imaatigullu angalaarnerminni ajornartorsiulersimammata.
Aallannginninni uku isumannaaqqaakkit:
- Nerisassanik imigassanillu naammattunik nassataqarnissat
- Atisanik atortunillu silamut ingerlavissamullu tulluartunik, ilaatigut GPS'imik allamilluunniit attaveqaataasinnaasumik sumiissusersiuutaasinnaasumillu naleqquttumik nassataqarnissat kiisalu angalanissami ilaasut tamassi annanniummik aaqanngitsumik atugaqarnissarsi.
- Sumukarninnik, qaqugulu utissanganinnik, ilaquttavit ikinngutivillu paasitereersimanissaat.
Kalaallit Nunaata Politiivisa tamanut kaammattuutigaat imminut allallu paarilluarnissaannut.
Tusagassiuutinut attavik
Tusagassiuutit saafiginnissagunik una attavigissavaat grl-presse@politi.dk imaluunniit +299 27 95 49.