Qanillattoqqusaanngilaq - Sermitsiami piffik
Isumannaallisaaneq pissutigalugu Sermitsiami piffik aalajangersimasoq angalaarfigissallugu inerteqqutaalerpoq.
2025-mi ukiakkut timmisartumik nakkartoqarneranut atatillugu Sermitsiami piffik ataani takutinneqartoq, tamat isumannaatsuunissaat eqqarsaatigalugu, piffissami 29/06/2026 – 29/09/2026 assersorneqarallarpoq.
Isumannaallisaanermut tamatumunnga peqqutaasoq anneq tassaavoq timmisartup aseqqukuisa sumiiffimminniit nakkaaleratarsinnaaneri. Timmisartunik ajutoorsimasunik misissuisartut piffik suli misissuiffigisarpaat.
Tamanna tunngavigalugu Kalaallit Nunaata Politiivisa aalajangerpaat timmisartup nakkarfiata nalaa piffimmi annertunngitsumi angalaarneq tamarmi inerteqqutaalissasoq. Piffik assimi takutinneqarpoq. Kalaallit Nunaata Politiivi piffimmi allagartalersuinikuupput.
Assersuineq tamat torersumiinnerat pillugu nalunaarummi § 17-imit aallaaveqarpoq, tassani allaqqammat politiit piffimmik assersuilersinnaasut inuit ataasiakkaat imaluunniit inuiaqatigiinni tamat isumannaassusaannut tamanna pisariaqartutut nalilerneqarpat.
Inerteqqut qaammatini pingasuni atuutissaaq. Unioqqutitsineq akiligassinneqarnermik kinguneqarsinnaavoq.
Tusagassiuutinut attavik
Tusagassiuutit saafiginnissagunik una attavigissavaat grl-presse@politi.dk imaluunniit +299 567140.