Tillinniarnermut atatillugu Sisimiuni Politiit angutit ataatsimoortut ujaaraat

Sisamanngornermi 2025-mi decemberip 21-ani nal. 23.30 angutit ataatsimoortut KTI ilinniarner-tuunngorniarfimmut tillinniarniarlutik iserput. Ujaasinermut atatillugu assit tillinniarnermeersut maanna Kalaallit Nunaata Politiivisa saqqummiuppaat.

Sisimiuni Politiit angutit arfineq-pingasut ima isikkoqarnerarneqartut ujaaraat:

• Angut, 170-180 cm, nalinginnaasumik timeqarpoq, qaamasumik jakkeqarpoq taartumik saalik, taartunik qarleqarpoq taartunillu kamippaqarluni. Kuupiimik nassataqarpoq.
• Angut, 170-175 cm, nalinginnaasumik timeqarpoq, qorsorpaluttumik aaqanngitsumik imaluunniit qernertunik talitalimmik jakkimik atorpoq, qernertunik qarleqarluni sneakersinillu atorluni.
• Angut, 180-185 cm, nalinginnaasumik timeqarpoq, taartumik jakkeqarpoq, taartunik qarleqarluni gumminillu kamippaqarluni.
• Angut, 170-175 cm, nalinginnaasumik timeqarpoq, taartumik jakkeqarpoq, taartunik qarleqarluni aammalu sneakersinik atorluni.
• Angut, 170-175 cm, nalinginnaasumik timeqarpoq, taartumik annoraaqarpoq siornatigut taartunik kaasarfilik "meqqusaalik"mik meqqeqarunartoq, qarliit qasertut sneakersinillu atorpoq.
• Angut, 170-175 cm, nalinginnaasumik timeqarpoq, nujai qernertut akunnattumik takissuseqarput, qungujortumik jakkeqarluni tunuatigut qaqortumik ilisarnaatilik aammalu sakiaata talerpiata tungaatigut pingasunik titarnernik qaqortunik ilisarnaatitalik, taartunik qarlilik aammalu sneakersit taartulik.
• Angut, 170-175 cm, nalinginnaasumik timeqarpoq, qungujortumik nasartaqanngitsumik jakkeqarpoq sakiaata talerpiata tungaatigut pingasunik titarnernik qaqortunik ilisarnaatitalik, qasertumik nasartalimmik tujuuloqarpoq, taartunik qarleqarluni aammalu taartunik sneakerseqarluni.
• Angut, 170-175 cm, nalinginnaasumik timeqarpoq, qasertumik nasartalimmik tujuuloqarpoq, taartumik aaqanngitsulik, tungujuaartunik qarleqarluni aammalu qernertunik sneakerseqarluni.

Ujaarineqartut pillugit imaluunniit KTI Ilinniarnertuunngorniarfimmi tillinniarnermut atatillugu takusaqarsimaguit imaluunniit paasissutissaateqaruit, Politiit tusarfigerusuppaatsit.

Nammineerlutit saaffiginnillutit imaluunniit 701322-mut sianerlutit Sisimiuni Politiit imaluunniit 701448-mut sianerlutit Kalaallit Nunaata Politiivi attavigikkit.